Nduyo 86:1-17
Mukumbiro wa Dhavhidhi.
86 Jehovha Mwari wangu, izwanyi no kudavira mukumbiro wangu,Ngokuti inini ndiri kutambujika, kunja kwaizvi ndiri murombo.
2 Ngwariranyi upenyu hwangu ngokuti ndakagondeka.
Ponesanyi mushandiri wenyu anomuthemba,Ngokuti imwimwi muri Mwari wangu.
3 Jehovha Mwari wangu, ndiitirenyivo unyasha,Ngokuti njiku jese ndinodaninja imwimwi.
4 Jehovha Mwari wangu, itanyi kuti mushandiri wenyu adakare,Ngokuti inini ndinotizira kwamuri.
5 Ngokuti imwimwi Jehovha makanaka, nguva jese makanasiririka kuti muregerere;Rudo hwenyu hucikacinji hwakakura maningi ku vandhu vese vaya vanodaninja zina renyu.
6 Jehovha Mwari wangu, izwanyi mukumbiro wangu;Teyanyi njeve ku mukumbiro wangu wokudeketera wandiri kuita ndecikumbira besero.
7 Pa njiku yo dambujiko rangu, inini ndinodaninja imwimwi,Ngokuti imwimwi munozondidavira.
8 Jehovha Mwari wangu, pakati po zvimwari, apana cakaezana nemwi,Apana cinokwanisa kuita zviro zvakaezana no zvamunoita.
9 Jehovha Mwari wangu, majinja ese amakaitaAnozoviya, ogwadama pamberi penyu,Iwona anozokuja zina renyu.
10 Ngokuti imwimwi makakura, munoita zviro zvinoshamaisa;Imwimwi basi ndimwi Mwari.
11 Jehovha Mwari wangu, ndijijisenyi gwanja renyu,
Inini ndinozofamba mu cokwadi cenyu.
Ndibesenyi kuti ndithye zina renyu ngo mwoyo wangu wese.*
12 Jehovha Mwari wangu, inini ndinomusimba ngo mwoyo wangu wese.Inini ndinozokuja zina renyu kwenda no kwenda.
13 Ngokuti rudo hwenyu hucikacinji hwakakura mainingi kwandiri,Imwimwi makandiponesa kuvha mu ndau jakajika jo Guva.*
14 Mwari wangu, vandhu vanojikuja vari kumuka kuti vandihwise;Cikwata co vandhu vanoita zvakashata ciri kuda kundiuraya,Ivona avatorangariri ngo pamusoro penyu.
15 Asi imwimwi Jehovha, muri Mwari ano usizi no unyasha, anononoka kunyangajwa, wakazara ngo rudo hucikacinji no wo kugondeka.
16 Hwiriranyi kwandiri mundiitire unyasha.
Ipanyi simba mushandiri wenyu.Ponesanyi mwana wo mushandiri wenyu wokaji.
17 Ndikhombijenyi citatijo co unaki hwenyu,Mukaita kudaro, vaya vanondinyenya vanozozvivona, vozopseruka.
Ngokuti imwimwi Jehovha muri mubeseri wangu no muembezeri wangu.
Masoko o Pasi
^ Kana: “Ndipenyi mwoyo unozwira.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
