Nduyo 96:1-13
96 Imbiranyi Jehovha ndumbo imbza.
Imbiranyi Jehovha imwimwi mwese vagari vo nyika!
2 Imbiranyi Jehovha, simbanyi zina rake.
Zivisanyi masoko akanaka o ruponeso hwake njiku jese.
3 Zivisanyi rukujo hwake pakati po majinja,Zivisanyi mabasa ake anoshamaisa ku vandhu vese.
4 Jehovha mukuru, iyena anofanera kusimbhwa maningi.
Iyena anoita zviro zvinothyisa kupinda zvimwari zvimweni zvese.
5 Zvimwari zvese zvo vandhu, izvimwari zvicikashandi,Asi Jehovha ndiyena wakaita matenga.
6 Pamberi pake pano rukujo no nderemejo;Mu ndau yake yakaceneswa muno simba no kuseja.
7 Imwimwi mbhuri jo vandhu, ipanyi Jehovha zvaanofanera,Ipanyi Jehovha zvaanofanera ngo ndava yo rukujo hwake no simba rake.
8 Ipanyi Jehovha rukujo unozwirana no zina rake;Viisanyi cipo, nghwinanyi pa ruvanje wo nyumba yake.
9 Gwadamanyi pamberi pa Jehovha makasimira nguvo jakaceneswa;Tetemeranyi pamberi pake imwimwi mwese munogara pa nyika!
10 Zivisanyi pakati po majinja kudari: “Jehovha Waamambo!
Nyika yanasa kuvangiswa, iyona aizozungunyiswi.
Iyena anozotonga majinja ngo ururami.”
11 Matenga ngaadakare, nyika ngaidakarevo;Jombe no zvese zviri mukati mwaro, ngazvitindhire;
12 Munda ngaidakare pamwepo no zvese zvirimo.
Pa mukuvo wondhowo, muti yese yo musora ngaikhuwe ngo kudakara,
13 Ngokuti Jehovha ari kuviya,Iyena ari kuviya kotonga nyika.
Iyena anozotonga nyika inogahwa ngo ururami,Wozotongazve vandhu ngo ugondeki hwake.
