Nduyo 99:1-9
99 Jehovha Waamambo. Vandhu ngavatetemere.
Iyena wakagara pa cigaro cake co umambo panyezuru* po makherubhi.
Nyika ngaindhyandhye.
2 Jehovha mukuru mu Ziyoni,Iyena ari kutonga vandhu vese.
3 Ivona ngavasimbe zina renyu guru,Ngokuti rinothyisa, irona rakacena.
4 Iyena ndi mambo anosimba anoda ururami.
Imwimwi makanasa kuvangisa zviro zvakanaka,
Imwimwi makaviisira Jakobe ururami no urungami.
5 Kujanyi Jehovha Mwari wedu, gwadamanyi pamberi po cicijikiro co soka jake.Iyena wakacena.
6 Mosi na Aroni vainga pakati po vapiri vake,Samweri wainga pakati pa vaya vaidaninja zina rake.
Ivona vaidaninja Jehovha,Iyena waivadavira.
7 Iyena waibhuya navo ari mugore.
Ivona vaizwira mupango jake no mutemo jaakavapa.
8 Jehovha Mwari wedu, imwimwi maivadavira.
Imwimwi makava Mwari anoregerera kwavari,Asi imwimwi makavapanica ngo ndava yo zvishaishi zvavo.
9 Kujanyi Jehovha Mwari weduGwadamanyi pamberi po dundhu rake rakacena,Ngokuti Jehovha Mwari wedu wakacena.
Masoko o Pasi
^ Kangaije: “pakati.”
