Ozeya 1:1-11
1 Jehovha wakavhunja masoko aya Ozeya mwana wa Bheeri mu njiku ja Uziya, Jotami, Akazi na Ezekiya majimambo o Judha. No mu njiku ja Jerobhowamu mwana wa Jowashi mambo wo Iziraeri.
2 Soko ra Jehovha noragumira Ozeya, Jehovha wakavhunja Ozeya kudari: “Endai urovore mwanakaji wo uhure ubare vana vo uhure, ngokuti nyika iyi yaramba Jehovha kamare ngo ndava yo uhure.”
3 Ngo kudaro, iyena wakaenda worovora Gomeri mwana wa Dhibhiraimi, woita mimba wobara mwana.
4 Ngo kudaro, Jehovha wakamuvhunja kudari: “Mudurei zina rokuti Jeziraeri* ngokuti kwasara mukuvo mushoma kuti nditonge nyumba ya Jehu ngo kuuraya kwake Jeziraeri. Ndozodira magumo umambo hwo nyumba yo Iziraeri.
5 Pa zuva rondhoro, ndinozogura uta wa Iziraeri mu Bani ra Jeziraeri.”
6 Iyena wakavazve no mimba wobara mwana wokaji. Mwari wakavhunja Ozeya kudari: “Mudurei zina rokuti Ro-ruhama,* ngokuti andizoitirizve usizi nyumba yo Iziraeri. Inini ndinozovagogomera.
7 Asi ndinozoitira usizi nyumba ya Judha. Ndinozovaponesa ngo simba ra Jehovha Mwari wavo. Andizovaponesi ngo uta, banga, hondo, haci nee no vapakiri vajo.”
8 Pasure pokurumura Ro-ruhama, iyena wakava no mimba wobara mwana.
9 Mwari wakamuvhunja kudari: “Mudurei zina rokuti Rowami,* ngokuti imwimwi amuripi vandhu vangu. Inini andizovivo Mwari wenyu.
10 “Vaiziraeri vanozowanda inga musanga wo mujombe. Zvokuti avazoverengeki nee kupimika. Pa ndau yavakavhunjwa kuti: ‘Imwimwi amuripi vandhu vangu,’ vanozovhunjwa kudari: ‘Imwimwi muri vana va Mwari anopona.’
11 Vandhu vo Judha no vo Iziraeri vanozounganijwa pamwepo vobatana. Vozosana mutungamiriri umwe basi, vobuda mu nyikeyo. Ngokuti njiku ya Jeziraeri inozova inosisira.”
Masoko o Pasi
^ Zvinoreva: “ Mwari Anozosima.”
^ Zvinoreva: “Aazivi Kuvaitira Usizi.”
^ Zvinoreva: “Asipi Vandhu Vangu.”
