Ozeya 10:1-15
10 “Iziraeri ndi muuvha wo mushango* unobara mucero.
Mucero jaanobara pajinonga jeciwanda, anoengejeravo artari jake;Pavanokotora zvakawanda mu nyika yavo, vanoengejera kusejesa njiki javo jakaceneswa.
2 Mwoyo yavo inocengeja.Wari vanozotambujwa.
Aripo anozophwanya artari javo no kuphwanyazve njiki javo jakaceneswa.
3 Wari vanozoti: ‘Atina mambo, ngokuti atizivi kuthya Jehovha.
Zvicinyi zvinozotiitira mambo?’
4 Ivona vanobhuya masoko acikabeseri , vopika zvokunyepa no kuita citenderano;Ngo kudaro, matongero avo akaita inga sora rinouraya rinokura mu munda unorimwa.
5 Vagari vo Samariya, vanozothya cithombe co buru* co ku Bheti-avheni
Vandhu vanozocema ngo ndava yaco.Inga zvinozoitihwa vapiri vo zvimwari zvo nyikanja, vaidakara ngo ndava yaco no kukujwa kwaco,Ngokuti icona cinozoenda ku uranda ndhambo kwavari.
6 Icona cinozotohwa kwenda ku Asiriya inga cipo kuitira mambo mukuru.
Efraimi anozopserujwa,Iziraeri anozopseruka ngo ndava yo mbhangiro yaakatevera.
7 Samariya na mambo wayo, vanozopejwa,Inga cimuti cakaguhwa ciri panyezuru po kumwa.
8 Ndau jakakhwirira jo Bheti-avheni, ijo jakaita kuti Iziraeri ashaishe, jinozoparajwa.
Pa artari javo panozomera muzwa no sora rinobaya.
Vandhu vanozoti ku matundhu, ‘Tiwirenyi!’
Votizve ku zvimatundhu, ‘Tifukijenyi!’
9 Iwewe Iziraeri uri kushaisha kuvhira mu njiku ja Gibheyaa.
Vakaenderera mberi veciita zvondhozvo novari kondhoyo.
Hondo aizivi kukwanisa kupeja vandhu vacizivi kurungama mu Gibheyaa.
10 Ndinozovapangira ngo kuda kwangu.
Vandhu vanozobatana kuti vavahwise,Pavanonga vecikweva kanga yo zvishaishi zvavo zviviri.*
11 Efraimi wainga akaezana no cimwana co n’gombe cokaji caidakarira kupura mbeu,Inini andizivi kuita kuti musipa wake wakaseja uremehwe.
Ndinozoita kuti mundhu umweni asungire* Efraimi.
Judha anozorima; Jakobe anozomunasiririra maanozoda kurima.
12 Simanyi mbeu yakarungama, mukotore rudo hucikacinji.
Rimanyi mu nyika inorimikaNguva yokupsaka Jehovha icito yapera,Mbhera iyena aviye okujijisa zviro zvakarungama.
13 Asi imwimwi makarima ushati,Mokotora zvicizivi kurungama,Makaha mucero wokunyepa;Ngokuti imwimwi makathemba makwanja enyu,No kuthemba masoca enyu akawanda.
14 Musindo wo hondo unozowira vandhu vako,Madhorobha ako akavangiswa anozoparajwa,Inga kuparajwa kwakaithwa Sharimani mu nyumba ya Aribheri,Pa njiku yo hondo yakaparajwa majimai kubatanija no vana vavo.
15 Izvi ndizvona zvinozoitika kwauri iwewe Bheteri, ngo ndava yo kushaisha kwako kwakakura.
Comangwanafumi mambo wo Iziraeri anozoparajwa.
Masoko o Pasi
^ Kangaije: “muuvha unotanda.”
^ Kana: “thoyo.”
^ Kana kuti, pavanonga vecicungirira kushaisha kwavo, kunorema inga kanga.
^ Kana: “apombere.”
