Ozeya 11:1-12
11 “Ndakada Iziraeri paainga aciri murimbhwane,Ndakadanija mwana wangu worume kuti abude mu Ejipita.
2 Pavaienderera mberi vecidaninjwa,Ivona vairamba vecienda ndhambo ku vaya vaivadanija.*
Vaipa mupiro ku zvithombe zva BhaariVopazve mupiro ku zvithombezvakavezwa.
3 Ndini ndakajijisa Efraimi kufamba, ndecivamujura mu nyara jangu;Asi ivona avazwisisi kuti ndini ndakavaponesa.
4 Ndakaenderera mberi ndicivakweva ngo mapote o vandhu* no mapote o rudo;Inini ndaiita inga mundhu ari kuvhisa kanga pa musipa pavo,Ngo kupfava kwese, ndakapekeja zvokuha umwe na umwe wavo.
5 Ivona avazohwiriri ku nyika yo Ejipita, asi Asiriya inozova mambo wavo,Ngokuti vakaramba kuhwirira kwandiri.
6 Banga rinozotenderera recihwisa madhorobha akeRinozophwanya mugogo javo no kuvaparaja, ngo ndava yo mazano avo.
7 Vandhu vangu vasunga kutama kugondeka kwandiri.
Pikija vecidaninjwa kuti vaende pa ndau yakakhwirira,* apana ari kumuka.
8 Ndingakusiisa kudini iwewe Efraimi?
Ndingaitisa kudini kuti ndikudire mu nyara jo vandhu vamweni iwewe Iziraeri?
Ndingakutajisa kudini inga Adhima?
Ndingaitisa kudini kuti uezane na Zebhoimi?
Ndacinja murangariro;Mwoyo wangu uri kuhwaja.
9 Andizokhombiji kucamwa kwangu kukuru.
Andizoparajizve Efraimi,Ngokuti andiripi mundhu, asi ndiri Mwari,Ndiri Wakacena pakati penyu;Andizovii kwamuri no cishatihwa.
10 Ivona vanozotevera Jehovha, iyena anozobhonga inga mbhondoro;Paanozobhonga, vana vake vanozoviya vecitetemera, vecivha kumavirira.
11 Vanozoviya vecitetemera inga shiri vecivha ku Ejipita,Inga njiva vecivha ku nyika yo Asiriya;Ndinozoita kuti vagare mu nyumba javo,” izvi ngo zvinonangwa ndi Jehovha.
12 “Efraimi wakanditendeneja ngo manyepo,Nyumba yo Iziraeri yakandicengeja.
Asi Judha aciri kufamba na Mwari,Iyena wakagondeka ku wiya Wakacenesesa.”
Masoko o Pasi
^ Kana kuti, vaporofeti no vandhu vamweni vaitumwa kuti vajijise Vaiziraeri.
^ Kana: “mapote o unyasha akadari inga anoshandiswaya ngo majibaba.”
^ Kana kuti, njira yo manamatiro akakhwirira.
