Ozeya 12:1-14
12 Efraimi anoha mbhepo.
Anogogoma sure ko mbhepo yo kumavhazuva njiku yese.
Manyepo ake no ugandanga zviri kuengejeka.
Anoita citenderano no Asiriya wotora mafuta woenda nawo Ejipita.
2 Jehovha ano shwiro yaari kuda kutonga Judha;Anozotonga Jakobe mukuzwirana no makwanja ake,Anozomuhwirijira mukuzwirana no zviito zvake.
3 Paainga ari mundani, wakabata pacisisinindho co hama yake,Ngo simba rake, wakatakana na Mwari.
4 Wakatakana no ngirozi, wowina.
Wakacema womudeketerera kuti amuzwire unyasha.
Mwari wakamuvona ku Bheteri. Kondhoyo, iyena wakabhuya na itusu.
5 Jehovha ndi Mwari wo hondo,Jehovha ndirona zina raanoceukijwa ndirona.
6 “Ngo kudaro, hwirirai kuna Mwari,Khombijai rudo hucikacinji no ururami,Veterai Mwari wako nguva jese.
7 Asi mundhu anoita nyagoso ano bharansa ro kunyepa;Iyena anoda zvokucengejera.
8 Efraimi anoenderera mberi ecinanga kudari: ‘Inini ndapfuma;Ndawana upfumi.
Asi avazowani ciri cese cakaposeka nee cakashata pa basa rangu.’
9 Inini ndini Jehovha Mwari wako, kuvhira uciri mu nyika yo Ejipita.
Ndinozoita kuti iwewe ugarezve mu matendaInga mu njiku jo nguva yakagajwa.*
10 Inini ndaibhuya no vaporofeti,Ndaiengejera zvivoniso zvavo,Ndaibhuya muezaniso ndecishandisa vaporofeti.
11 Mu Giriyadhi muno manyepo* no ucengeji.
Mu Girigari munoithwa mupiro yo n’gombe,Artari javo jakadari inga mututu yo mapuwe iri mu munda jakarimwa.
12 Jakobe wakatizira ku ndharaundha yo Arami;*Iziraeri wakashanda kondhoyo kuti awane mukaji,Iyena wakakorondha mavhuta kuti awane mukaji.
13 Jehovha wakabudisa Iziraeri mu Ejipita ecishandisa muporofeti,Iyena wakamungwarira ecishandisa muporofeti.
14 Efraimi wakacamwisa maningi Mwari;Iyena aciri no ndava yo kupopomeja sangi;Mambo wake anozomuhwirijira ngo kushora kwaakaita.”
