Ozeya 13:1-16
13 “Efraimi paaivereketa, vandhu vaitetemera;Iyena waisisira mu Iziraeri.
Asi wakava no ndava paakanamata Bhaari, wofa.
2 Wari vari kuengejera zvishaishi zvavoVari kuita zvithombe zvo utare ngo sirivha yavo;Ngo uzivi hwavo, vari kuita zvithombe. Ese aya ndi mabasa o nyara javo.
Ivona vanoti: ‘Vandhu vanoita mupiro, ngavabhejhari maburu.’
3 Ngo kudaro, vanozoita inga mbhute comangwanani,Inga cando cinokasika kungara-ngara,Inga ushwa unotohwa ngo mbhepo pa cimbuwa,*Inga usi unobuda panyezuru po denga.
4 Asi inini ndini Jehovha Mwari wako kuvhira ku nyika yo Ejipita;Iwewe auzivi kuziva Mwari umweni kusiyapo inini,Akucinazve muponesi umweni kusiyapo inini.
5 Ndakakuziva mubani, mu nyika icikani nvura.
6 Vaiguta ngo zviro zvaivha mu maminda mavo,Ivona vakaguta, mwoyo yavo yojikuja.
Ngo kudaro, ivona vakandikanganwa.
7 Ndinozova inga cimbhondoro kwavari,Ndozovanyangira inga khamba mu gwanja.
8 Ndinozovawana inga ursu yaruza zvivana zvayo,Ndinozomwesa paditi pavo.
Pondhopo, ndozovapeja inga mbhondoro;Cikara cinozovaparaja
9 Ndinozokuparaja iwewe Iziraeri,Ngokuti wandipandukira inini mubeseri wako.
10 Waro ari kwapi mambo wako kuti akuponese mu madhorobha ako eseNo majimambo* ako wovakanangaya ngo pamusoro pavo weciti:‘Ndipenyi mambo no mutungamiriri?’
11 Ndakamupa mambo ndakacamwa,Ndinozomuvhisa ndino cishatihwa.
12 Kuposa kwa Efraimi kwakapukutihwa;Cishaishi cake cakavigwa.
13 Iyena anozohwajihwa inga mwanakaji ari kuda kubara.
Asi iyena ndi mwana acina hwiru;Ikaguma nguva kuti abahwe, iyena aabudi.
14 Ndakakusujunura mu simba ro Guva;*Ndokuponesa pa rufu.
Rufu, wakaita kuti vandhu vazinji vatambujike. Waro, riri kwapi simba rako?
Guva, riri kwapi simba rako ro kuparaja?
Inini andizokuzwiri pena.
15 Pikija iyena wakakura ushoni pakati po sora,Kunozoviya mbhepo yo kumavhazuva, mbhepo ya Jehovha,Iyona inozoviya yecivha ngo mubani kuti ivomese mwimbo* no kupeja zvinyuke zvake.
Inozotora upfumi hwake no zviro zvake zvese zvinosisira.
16 Samariya inozova no ndava ngokuti yakapandukira Mwari wayo.
Ivona vanozouraiwa ngo banga,Vana vavo vanozoguhwa-guhwa,Ndani jo vanakaji vano mimba, jinozomweswa.”
Masoko o Pasi
^ Kana: “civanje.”
^ Gama ngo Gama: “vatongi vako.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “sime.”
