Ozeya 14:1-9
14 “Iziraeri, hwirirai kuna Jehovha Mwari wako,Ngokuti wakakhugunyika ngo ndava yo kuposa kwako.
2 Hwiriranyi kuna Jehovha mecinanga masoko aya,Muvhunjenyi kudari: ‘Tiregererenyivo kuposa kwedu, vonanyi zvakanaka zvatiri kumuitira,Tinozomukuja ngo muromo yedu, inga kumupa kwatinoita mupiro yo zvivana zvo n’gombe zvo rume.*
3 Asiriya aizotiponesi.
Atizokhwiri haci,Atizodaninjizve mabasa o nyara jedu kudari: “Mwari wedu!”Ngokuti ndimwi munozwira pena ndherera.’
4 Ndinozovabesera kuti vavezve vandhu vangu vakagondeka.
Ndinozovada ngo mwoyo wangu wese,Ngokuti andicavacamwiri.
5 Ndinozova inga cando kuna Iziraeri;Iyena anozotumbuka inga mafiroriMuji jake jinozoenda pasi inga jo muti yo Rebhanoni.
6 Zvimatavi zvavo zvinozoreba,Anozoseja inga muti wo maorivhe,Kunuhira kwake kunozoita inga ko muti wo Rebhanoni.
7 Vanozogara pa munvuriri wawo.
Vanozorima zvirimwa, izvona zvinozobara inga muuvha.
Iwona unozoceukijwa inga kuceukijwa kunoithwa vhinyu yo Rebhanoni.
8 Efraimi anozovhunjisa kudari: ‘Ndingadirenyizve zvithombe?’
Inini ndinozomudavira no kumukorondha.
Ndinozoita inga muti wakapfikitira.
Munozowana mucero kwandiri.”
9 Ndiyani ano uzivi? Kudari aripo, ngaazwisise zviro izvi.
Ndiyani wakangwara? Ngaazvizive.
Ngokuti makwanja a Jehovha akarungama,Varurami ngo vanozofambemo;Asi vashaishi, vanozokhugunyikemo.
Masoko o Pasi
^ Kana: “buru, thoyo.”
