Ozeya 4:1-19
4 Izwanyi izwi ra Jehovha, imwimwi vandhu vo Iziraeri,Ngokuti Jehovha ano shwiro yaari kuda kutonga vagari vo pasi pano,Ngokuti mu nyika amuna cokwadi, amuna rudo hucikacinji nee amuna vandhu vanoziva Mwari.
2 Mbhiko jo kunyepa, manyepo, kuurayaUmbavha no upombo zviri kundhandhanika,Vandhu vanourayana ngocavo.
3 Ngo kudaro, nyika inozogara yecicemaVandhu vese vanozogara mukati mayo, vanozovonda;Zvinyama zvo musora, shiri jo kumatenga,Kubatanijavo no hove jo mujombe zvinozofa.
4 Apadikani kuva no mundhu anophikiza kana anopangira,Ngokuti vandhu vako vakaezana no vandhu vanohwisana no mupiri.
5 Ngo kudaro, iwewe unozokhugunyika no masikati,Vaporofeti vanozokhugunyika pamwepo na iwewe, inga zvinoitika co usiku.
Inini ndinozouraya mai wako.
6 Vandhu vangu vanozourawa ngokuti avana zivo.
Zvecivoneka kuti iwewe wakaramba zivo,Inini ndinozokurambavo kuti utame kushanda inga mupiri;Zvecivoneka kuti iwewe wakakanganwa mutemo wa Mwari wako,Inini ndinozokanganwavo vana vako.
7 Pavainga veciwanda, vaindishaishiravo maningi.
Ndinozocinja kukujwa kwavo, vova vandhu vanoshohwa.
8 Ivona vanoha nyama inoviiswa ngo vandhu vangu yo kushaisha kwavanonga vaita,Vecidakarira kuti vandhu vangu vapose.
9 Zviro zvinozoitika no vandhu, ndizvona zvinozoitikavo no mupiri;Ndinozovatonga ngo ndava yo makwanja avo,Ndinozoita kuti vatambujike ngo ndava yo zviito zvavo.
10 Ivona vanozoha, asi avazoguti.
Ivona vanozohura maningi asi avazowandi,Ngokuti avazivi kureremeja Jehovha.
11 Uhure, vhinyu no vhinyu imbzaZvinovhisa cido cokuda kuita zviro zvakanaka.
12 Vandhu vangu vanovhunjisa zvithombe zvo matabwa,Veciita zvavanovhunjwa ngo ndonga yavo;Ngokuti mujimu hwo uhure hwavo hunovasveja,Ngo ndava yo uhure hwavo, ivona vanoramba kutungamirihwa ndi Mwari wavo.
13 Vanoita mupiro panyezuru po matundhu,Vanoita kuti usi wo mupiro uphunge panyezuru po zvimatundhu,Pasi po mutondo, po muti wo muestoraki no po mushovo jese jo muti jakakura,Ngokuti ino munvuriri wakanaka.
Izvi ndizvona zvinoita kuti vana venyu vokaji vaite uhureNyamwana jenyu jiite* upombo.
14 Andizotongi vana venyu vokaji ngo kuita kwavo uhure,Nee nyamwana jenyu* ngo kuita upombo.
Ngokuti vanarume vanotorana no mahure vopindaVoita mupiro no hure jo mu themberi;Vandhu vakadari vacikazwisisi vanozourawa.
15 Pikija iwewe Iziraeri uri kuhura,Ucaita kuti Judha ave no ndava.
Mucaenda ku Girigari nee ku Bheti-avheni,Mucapika mecinanga kudari: ‘Ngo upenyu hwa Jehovha.’
16 Ngokuti Iziraeri aicazwiri inga n’gombe yokaji ino ndhija.
Kureva kuti wari uno Jehovha anozomuhavisa ngo manera aanohavisa civhuta ciri mu bani rakashama?
17 Efraimi aasiyani no zvithombe.
Musienyi ari ega!
18 Panondopera serevheja* yavo,Ivona vanohura maningi.
Vatongi vake vanodakarira maningi kushohwa.
19 Mbhepo inozomutakura ngo mapapiro ayo,Ivona vanozopseruka ngo mupiro yavo.”
Masoko o Pasi
^ Kana: “vakajimwana venyu vaiite.”
^ Kana: “vakajimwana venyu.”
^ Kana: “serevheja yo tirigu.”
