Ozeya 6:1-11
6 “Viyanyi tihwirire kuna Jehovha,Pikija iyena wakatiruma, anozotirapa.
Pikija iyena wakatikhuvaza, anozobhandica zvivonje zvedu.
2 Pasure po njiku mbiri anozotiita kuti tiponezve.
Pa njiku yo citatu anozotimusa,Tozopona pamberi pake.
3 Tinozoziva Jehovha, tinozomupsaka ngo mwoyo wese kuti tinase kumuziva.
Kuguma kwake kunozoita inga kubuda ko zuva;Iyena anozotigumira inga nvura,Inga nvura yokutanga inonyakatisa pasi.”
4 “Ndokuitenyi Efraimi?
Ndokuitenyi Judha?
Ngokuti rudo hwako hucikacinji wakaezana no zvimakore zvomangwanani,Woezanazve no cando cinokasika kupera.
5 Ngo kudaro, inini ndinozomutema ndecishandisa vaporofeti;Ndinozomuuraya ngo masoko o pamuromo pangu.
Matongere andiri kuda kumuita anozovoneka inga kuvira ko zuva.
6 Ngokuti inini ndinodakarira rudo hucikacinji, kuciripi mupiro,Ndinodakarira kuziva Mwari, kuciripi mupiro yokupiswa.
7 Ivona vakagura citenderano cangu inga zvinoithwa ngo vandhu vakashata.
Vakandicengeja mu ndau jondhojo.
8 Giriyadhi idhorobha rino vandhu vakashata.Rakazara ngo kupopomeja sangi.
9 Vapiri vakaita inga cikwata co mambavha, cinogara cecinyangira mundhu cakafindara.
Ivona vanouraya vandhu mu gwanja ro Shekemi,Ngokuti vano mufambiro unopseruja.
10 Ndakavona ciro cinozizimusa mu nyumba yo Iziraeri.
Efraimi anoita uhure mondhomo;Iziraeri inojisvipisa.
11 Ngo pamusoro pako iwewe Judha, nguva yo kukotohwa kwako yapera kugajwa,Pandinozoviisa vandhu vangu vakatohwa.”
