Ozeya 7:1-16
7 “Pandinoeja kurapa Iziraeri,Kuposa ko Efraimi kunobuda pambhene,Pamwepo no zvishaishi zvo Samariya.
Ngokuti ivona vanoita zviro zvokunyepa;Mbavha jinonghwina mumba. Zvikwata zvo magandanga zvinoba vandhu mu makwanja.
2 Asi ivona avatomborangariri havo kuti inini, ndinoceukija zviito zvavo zvese zvakashata.
Wari ivona vakatendenejwa ngo zviito zvavo;Izvo zviri pamberi pangu.
3 Ivona vanodakajisa mambo, ngo zviro zvavo zvakashata,Vanodakajisa vatongi, ngo manyepo avo.
4 Vese vanoita zvoupombo,Vanopisa inga coto ciri kukhwindijihwa ngo mubiki wo pau,Iyena anosiya kukhwindijira muriro pasure po kukanya, mbhera jikukumuke.
5 Pa njiku ya mambo wedu, vatongi vakahwajaVakacamwa ngo ndava yo vhinyu.
Iyena wakatambanuja nyara yake ku vandhu vaimuseka.
6 Ivona vanoviya vano mwoyo iri kubwaka inga coto.
Mubiki wo pau anovata usiku hwese;Comangwanani, coto cinopisa inga muriro uri kubwaka.
7 Vese vari kupisa inga coto,Vanouraya magovhernadhori* avo.
Majimambo avo apera kuwa;Pakati pavo apana wandidaninja.
8 Efraimi anobatana no majinja.
Efraimi wakaezana no pau yo bhororindo icikazivi kuphindujwa.
9 Vandhu vo nyikanja vapeja simba rake, asi iyena aazvizivi.
Vhuji rake raano invi, asi iyena aato wazvivona izvi.
10 Kujikuja ko Iziraeri kunomuitira ucapupu,Asi ivona avahwiriri kuna Jehovha Mwari wavo,Nee avatomupsaki pikija no zviro zvese izvi.
11 Efraimi wakaita inga njiva iri benji icina hwiru.
Vakakumbira kubeswa ngo Ejipita; voenda ku Asiriya.
12 Kuri kwese kovanoenda, ndinozovateya ngo cimaricera cangu.*
Ndinozovawisa pasi inga shiri jo kumatenga.
Ndinozovapangira mukuzwirana no zviziviso zvakaashira ungano yavo.
13 Vano dambujiko ngokuti vakanditiza!
Ngavaurawe, ngokuti vakandishaishira!
Ndainga ndecida kuvaponesa, asi vakabhuya zvokunyepa ngo pamusoro pangu.
14 Avazivi kundikumbira besero ngo mwoyo wese,Pikija vaigara vecicumba vakavata pa kama javo.
Vecizviceka-ceka nyora kuti vawane zvokuha* no vhinyu imbza;Vanondipandukira.
15 Pikija inini ndakavapangira no kuvangisa mukono javo,Ivona vanohwisana na inini vecironga kuita zvakashata.
16 Ivona vakacinja maponero avo, asi avazivi kuhwirira kooita ciri cese cakanaka;*Vainga vacikathembeki inga uta wakathamba.*
Vatongi vavo vanozourawa ngo banga ngo ndava yo kubhuya masoko okupanduka.
Ngo ndava yo zviro izvi, vanozoshohwa mu nyika yo Ejipita.”
Masoko o Pasi
^ Gama ngo Gama: “vatongi vavo.”
^ Kana: “mambure angu.”
^ Kana: “mucece.”
^ Kana kuti, ivona avazivi kuhwirira ku manamatiro ocokwadi.
^ Kana: “kudhamba, kuthujuka.”
