Ozeya 8:1-14
8 “Rijanyi mbayapaya!
Kuno mundhu ari kuviya kuzohwisa nyumba ya Jehovha wakaezana no hokotora,Ngokuti ivona vakaphwanya citenderano cangu votamazve kuzwira mutemo wangu.
2 Vanokhuwa kwandiri veciti: ‘Mwari wedu, itusu Vaiziraeri tinomuziva!’
3 Vaiziraeri vakaramba zvakanaka.
Muvengi ngaavateverere.
4 Ivona vakagaja majimambo ndicizivi kuvavhunja.
Vakagaja vatongi ndicizivi kuvatendera.
Vakaita zvithombe ngo sirivha yavo no goridhi ravo,Izvi zvakaita kuti vauraiwe
5 Samariya, cimwana cako co n’gombe* carambiwa.
Ushungu hwangu huri kubwaka ngo ndava javo.
Mbhera rini mucikakwanisi kujicenesa?
6 Ngokuti Iziraeri ndiyona yakazvitanga.
Cithombe ici cakaizwa ngo muvezi, icona asipi Mwari;Cimwana co n’gombe* co Samariya cinozoguhwa-guhwa.
7 Ngokuti ivona vari kusima mbhepo,Vanozokotora zibepo.
Akuna musonjoti unozobara mucece yakakora;
Zviya zvinomera azvizoiti upfu.Pikija zvikaita, vonyikanja vanozouha.
8 Vaiziraeri vanozomijwa.
Wari uno ivona vanozova pakati po majinja,Inga mujiyo icikadiwi.
9 Ngokuti ivona vakaenda ku Asiriya inga mbongoyo yomusora inofamba iri yega.
Efraimi wakapagari hure kuti jimude.
10 Pikija ivona vakapagari hure jo majinja,Wari uno inini ndinozovaunganija.Ivona vanozotanga kutambujika ngo ndava yo mutoro wavakapuwa ndi mambo no vatongi.
11 Ngokuti Efraimi waano artari jakawanda.
Pa artari jondhojo, ndipona paanoitira cishaishi.
12 Inini ndakamutarira zviro zvakawanda zviri mu mutemo wangu,Asi maizvivona inga zviro zvicikashandi.
13 Ivona vanondiitira mupiro perapo voha nyama yakona,Asi Jehovha aadakari ndizvona,
Wari uno iyena anozorangarira kuposa kwavo, ozovapanica ngo ndava yo zvishaishi zvavo.
Ivona vakahwirira* ku Ejipita.
14 Vaiziraeri vakakanganwa Muiti wavo no mune wo themberi javakavaka,Judha ano madhorobha akawanda maningi akavangiswa.
Asi inini ndinozotumira muriro ku madhorobha ake ese,Murirowo unozopisa njiki jese jo madhorobhewo.”
