Ozeya 9:1-17
9 “Ucadakara, Iziraeri,Ucadakara inga zvinoita vandhu.
Ngokuti uhure hwako hwakuita kuti usiye Mwari wako.
Pawaiita uhure mu zvimbuwa zvese zvinopurihwa zvirimwa, waidakara ngo kupagahwi kwako.
2 Asi apana cokuha no cokumwa cavanozowana pa cimbuwa no pa ndau yokusvinira vhinyu,Iyena aazowanizve vhinyu imbza.
3 Avazoendereri mberi vecigara mu nyika ya Jehovha;Kusiyapo izvo, Efraimi anohwirira ku Ejipita,Vanozoha zviro zvicizivi kucena ku Asiriya.
4 Avazopizve Jehovha mupiro yo vhinyu;Mupiro javo ajizomudakajisi.
Ijona jinozoita inga zvokuha zvaperekehwa pa ciriro;Vese vanozviha, vanogara vacizivi kucena.
Ngokuti zvokuha zvavo, zvinozova zvavo basi;Azvizonghwini mu nyumba ya Jehovha.
5 Ngozvapi zvamunozoita pa njiku yo musongano,Pa njiku yo mutambo wa Jehovha?
6 Vonanyi! Ivona vanozotiza ngo ndava yo kuparajwa kunonga kweciitwa.
Ejipita inozovaunganija, Memifisi inozovaviga.
Zviro zvavo zvinosisira zvo sirivha, zvinozokhandihwa pa mamiti ano mizwa,Mu matende avo, munozomera mamiti ano mizwa.
7 Njiku jo kutongwa jinozoguma,Njiku jo kuhwirijira jinozoviya,Iziraeri inozozviziva izvi.
Muporofeti wavo anozopenga, mundhu anobhuya masoko akafemehwa anozopenga.Uri kuzondwa maningi, ngokuti kuposa kwako kwakakura.”
8 Murindiri wa Efraimi wainga wakagondeka kuna Mwari wangu.
Asi wari uno, zviro zvese zviri kuitwa ngo vaporofeti vake zvakadari inga murau yo mundhu anobata shiri;Mu nyumba ya Mwari wake muno kuzondana.
9 Vakawira mu ndau inovauraisa inga mu njiku ja Gibheyaa.
Iyena anozoceukija kuposa kwavo no kuvapanica ngo zvishaishi zvavo.
10 Ndakavona Iziraeri inga uvha jiri mu bani.
Ndakavona majicekuru enyu inga mafigu ari kutanga kuivha pa muti wo mufigu.
Asi ivona vakaenda kuna Bhaari wo Peori;Ivona vakazvipira ku zviro* zvinopseruja,Ivona vakava vandhu vanonyangajisa inga cimwari covanonamata.
11 Kukujwa ko Efraimi kunozomburuka kucienda ndhambo inga shiri;Akuna anozova no mimba no kubara mwana.
12 Pikija ivona vakarera vana,Inini ndinozovauraya mbhera vapere vese;Hina, vanozotambujika ndikavasiya!
13 Efraimi wainga wakaita inga Tiro kwandiri paainga akasimwa mu mahavo;Wari Efraimi, anozobudisa vana vake kuti vauraiwe.”
14 Jehovha, vatongenyi mu njira yovanofanera;Itanyi kuti ivona vasvoje vana vavo no kuita kuti mazamu avo atame kuva no mukaka.*
15 “Kushata kwavo kwese kwainga mu Girigari, ngokuti kondhoyo ndikona kwandakatanga kuvanyenya.
Ndinozovagogomera mu nyumba yangu ngo ndava yo zviito zvavo zvakashata.
Andizovadizve;Vatongi vavo vese vakaoma musoro.
16 Efraimi anozokhuvazwa.
Muji wake unozovoma, ivona avazobarizve mucero.
Pikija vabare vana, ndinozouraya vana vavo vavanoda.”
17 Mwari wangu, anozovaramba,Ngokuti avazivi kumuzwira,Ivona vanozova vatizi pakati po majinja.
