Sofoniya 1:1-18
1 Jehovha wakavhunja kudari Sofoniya* mwana wa Kusi, mwana wa Gedhariya, mwana wa Amariya, mwana wa Ezekiya mu mukuwo wa Josiya mwana wa Amoni mambo wo Judha:
2 “Ndinozophwanya-phwanya zviro zvese zviri pa nyika,” izvi ndizvona zvakanangwa ndi Jehovha.
3 “Ndinozouraya mundhu no cinyama.
Ndinozouraya shiri jo kumatenga no hove jo mujombe,Ndinozopeja mapuwe anokhugunya pamwepo no vandhu vakashata;Ndinozouraya vandhu panyika pese,” izvi ndizvona zvakanangwa ndi Jehovha.
4 “Ndinozotambanuja nyara yangu kuti ndihwise JudhaNo vagari vese vo Jerusarema,Ndinozopeja mu ndau ino zviro zvese zvakasara zva Bhaari,No mazina o vapiri vo zvimwari zvo nyikanja pamwepo no vapiri,
5 Na vaya vanogwadamira masoca okumatenga pa nyumba jo mudenga,Na vaya vanogwadama vecipika kuti avazosiyi JehovhaPa mukuwo wondhowo vopikazve kuti avazosiyi Marikamu;
6 Na vaya vanoramba kutevera JehovhaKubatanijavo na vaya vacingapsangi* Jehovha.”
7 Garanyi makanyarara pamberi pa Mambo Mukuru-kuru Jehovha, ngokuti njiku ya Jehovha yaaphedo.
Jehovha wanasirira mupiro; iyena wacenesa vaakakoka.
8 Pa njiku yo mupiro wa Jehovha, ndinozotonga vatongi,No vana va mambo, kubatanijavo no vese vanosimira nguvo jo vonyikanja.
9 Pa njiku yondhoyo ndinozotonga vandhu vese vanokhwira pa sikada,*No vese vanozaja nyumba ya mambo wangu ngo kuhwisana no kucengeja.
10 Pa njiku yondhoyo,” Jehovha anonanga kudari:“Ku Musuvo wo Hove kunozozika izwi recidaninjira,Ku divi Ibza ro Dhorobha, kunozozika mbhere,Ku zvimakomo, kunozotindhira.
11 Cemanyi,* imwimwi vagari vo Makiteshi,*Ngokuti vatengesi vese vapera kuurawa;*Vese vaipima sirivha, vapera kuurawa.
12 Pa mukuvo wondhowo, ndinozopsakisisa Jerusarema ndino zvibani,*Ndozotonga vandhu vaya vanogara vacikakai-kai ngo ndava yo mugariro wavo, vecinanga kudari ngo mu mwoyo mavo,‘Jehovha aazoiti nee zvakanaka nee zvakashata.’
13 Upfumi wavo unozotohwa, nyumba javo jinozophwanywa.
Vanozovaka nyumba, asi avazogarimo;Vanozosima muuvha, asi avazomwi vhinyu yawo;
14 Njiku huru ya Jehovha yaaphedo!
Yaaphedo, iri kuguma ngo kukasika maningi!
Kutindhira ko njiku ya Jehovha kunovava.
Pa njiku yondhoyo, musoca ano simba, anozocema.*
15 Njiku yondhoyo, injiku yo ushungu,Njiku yo kutambujika no kuhwajihwa,Njiku yo zibepo no kuparajwa,Njiku yo cidima no kusvipa,Njiku yo makore no cidima cakasvipa maningi,
16 Njiku yo kurijwa ko mbayapaya no kudaninjira ko masoca,
Vecihwisa madhorobha akavanga no makhona o mupfimbiji yakareba.
17 Ndinozoita kuti vandhu vatambujike,Ivona vanozofamba inga mapofu,Ngokuti vakashaishira Jehovha.
Sangi yavo inozoduruhwa inga bukuta,Maura avo anozoita inga manyongo o zvinyama.
18 Sirivha yavo no goridhi, azvizovaponesi pa njiku yo ushungu hwa Jehovha;Ushungu hwake hwakaezana no muriro unopisa pasi pese,Ngokuti iyena anozouraya vandhu vese pasi pano mu njira inothyisa.”
Masoko o Pasi
^ Zvinoreva: “Jehovha Wafindara (Wajiviga).”
^ Kana: “vanoramba kutungamirihwa ndi.”
^ Kana: “cirimbo.” Kangaije zvinonangira sikada yaigara pacigaro ca mambo.
^ Kana: “Riranyi.”
^ Zvinovoneka kuti yainga ndau yo ku Jerusarema, yaigara phedo no Musuvo wo Hove.
^ Gama ngo Gama: “kunyarajwa.”
^ zvigabhu-gabhu.
^ Kana: “anozorira.”
