Sofoniya 3:1-20
3 Rinonyathwa dhorobha rakapanduka, rakasvipa, rinobzinyirira!
2 Irona arizwiri; aritenderi kupangihwa.
Arithembi Jehovha nee arikhwederi phedo na Mwari waro.
3 Nduna jaro pakati paro, jakaezana no mbhondoro jino bhonga.
Vatongi vavo vakaezana no mapumbhi o cousiku;Avasiyi nee phondo rimwe kuti vazoricenge co mangwana fumi.
4 Vaporofeti varo, vanarume vanojikuja, vanocengeja.
Vapiri varo vanosvipisa zviro zvakacena;Ivona vanophwanya mutemo.
5 Jehovha wakarurama pakati pavo; aaiti zvakashata.
Mangwanani ese iyena anozivisa matongero ake,Iyena wakagara inga ruvheneko hwo zuva ucikaperi.
Asi mundhu acizivi kururama aaiti nyowa.
6 Ndakaphwanya majinja; zvikhona zvo mupfimbiji yavo zvakaita mathere.
Ndakaphwanya makwanja avo, zvokuti akucina acapinda ndimona.
Madhorobha avo, aamathere, aacina mundhu anogara mondhomo.
7 Inini ndakarivhunja kudari: ‘Zvokadi iwewe unozondithya, wotendera kupangihwa,’
Kuti ndau yako itame kuphwanyiwaNgokuti ndinofanera kukutonga ngo ndaya yo zviro zvese izvi.
Asi ivona vaienderera mberi veciita zviro zvakashata.
8 Jehovha anonanga kudari: ‘Garanyi makandiimira,’‘Mbhera njiku yondinozomuka kuti nditore,*Ngokuti ndakasunga kuunganija majinja no majimambo,Kuti ndimadururire ushungu hwangu no kucamwa kwangu kwese;Nyika yese inozoparajwa ngo ushungu hwangu hwakaezana no muriro.
9 Pa mukuvo wondhowo ndinozocinja ndumi jo vandhu, ndozovapa ndumi yakacena,Kuti vese vakwanise kudaninja zina ra Jehovha,Kuti vamushandire vakabatana.’
10 Kuvhira ku ndharaundha yo murambo jo Etiyopiya,Vaya vanondideketerera, mwana wokaji wo vandhu vangu vakandhandhanika, vanozondiviisira cipo.
11 Pa njiku yondhoyo, iwewe auzopserujwizveNgo ndava yo zviito zvakashata zvokupandukira zvowakandiitira,Ngokuti ndinozovhisa pakati pako vandhu vanozvikuja no vanozvikukumuja;Iwewe auzozvikujizve pa dundhu rangu rakacena.
12 Ndinozosiya vandhu vanozvidodokesa no vandhu vakapfava kuti vagare pakati pako,Ivona vanozotizira ku zina ra Jehovha.
13 Vaiziraeri vanozosara avazoiti zvakashata;Avazobhuyi zvokunyepa, pamuromo pavo apazobudi masoko anocengeja;Ivona vanozoha no kuvata, pacina ariwese anovathyisa.”
14 Itai mbhururu jo kudakara, iwewe mwana wokaji wo Ziyoni!
Itai mbhururu jo kudakara, iwewe Iziraeri!
Dakarai, tambai ngo mudakaro ngo mwoyo wako wese, iwewe mwana wokaji wo Jerusarema!
15 Jehovha waregera kukutambuja.
Iyena waita kuti vavengi vako vahwirire.
Mambo wo Iziraeri, Jehovha ari pakati pako.
Iwewe auzothyizve dambujiko.
16 Pa njiku yondhoyo, Jerusarema rinozovhunjwa kudari:
“Ucathya Ziyoni.
Ucasiya kuti nyara jako jipere simba.
17 Jehovha Mwari wako, ari pakati pako.
Inga musoca wakavanga, iyena anozoponesa.
Ngo ndava yako iyena anozotamba akadakara maningi.
Anozogajana ngokuti anonga wakukhombijira rudo hwake,
Anozotamba ngo ndava jako ano mbhururu jo mudakaro.
18 Ndinozounganija vandhu vaya vari kuhwajihwa ngokuti avazivi kuviya ku mutambo yavo;Ivona vainga ndhambo na iwewe, vecicijikira kushohwa ku nyika imweni.
19 Pa mukuvowo, ndinozohwisa vandhu vese vari kukunesa;Ndinozoponesa vandhu vari kuthobinya,Ndinozounganija vakandhandhanika.
Ndinozovaita kuti vasimbhwe no kuva no ndumaMunyika jese jovakapserujwa.
20 Pa nguva yondhoyo, ndinozomuhwirija,Pa mukuvo wondinozomuunganija.
Ndinozomuita kuti muve no nduma no kusimbhwa pakati po vandhu vese vari pasi pano,Imwimwi munozozvivona pandinozoviisa hama jenyu jakasungwa,” izvi ndizvona zvinonanga Jehovha.
Masoko o Pasi
^ Kana: “ndipambe.”
