Zakariya 10:1-12
10 “Kumbiranyi Jehovha kuti amunisire nvura yo kupejisira.
Jehovha ndiyena anoita kuti pave no makore ano nvura ino bepo,Ndiyena anonisira vandhu nvura yakawanda,Opa vese zvinomera mu munda.
2 “Ngokuti zvithombe zvavo zvo pamuzi* zvinobhuya zvokunyepa;Vafemberi vavo, vano zvivoniso zvinocengeja.
Ivona vanobhuya ngo pamusoro po hope jo kunyepa,Vanoeja kunyaraja vamweni, asi azvibeseri.
Ngo kudaro, vandhu vanozoherereka inga mavhuta.
Vozotambujika ngo kutama muhavisi.
3 Ndinozonyangajwira maningi vahavisi,Ndozotonga vatungamiriri vanoshupha;Ngokuti Jehovha wo hondo warangarira mavhuta ake, nyumba ya Judha,Iyena anozovaita inga haci yake yakavanga inodadisa pa hondo.
4 Kwaari ndikona kunovha mutungamiriri,Kwaari ndikona kunovha mutongi anocijikira,Kwaari ndikona kunovha uta wo hondo;Kwaari ndikona kunovha vavonereri, vese kamare vanovha kwaari.
5 Ivona vanozoita inga masoca ano simba,Vozocika-cika matope mu gwanja ku hondo.
Vanozohwa ngokuti Jehovha ana ivona;Vapakiri vo haci, vanozonyowejeka.
6 Ndinozoita kuti nyumba ya Judha ive no simba,Ndinozoponesa nyumba ya Josefa.
NdinozovahwirijaNgokuti ndinozovaitira usizi;Ivona vanozoita inga vandhu vandicizivi kumborambazve;Ngokuti inini Jehovha Mwari wavo, ndinozovadavira.
7 Vandhu vo Efraimi vanozoita inga musoca wakavanga,Mwoyo yavo inozodakara inga mundhu wamwa vhinyu.
Vana vavo vanozozvivona izvi, vozodakara;Mwoyo yavo inozodakara maningi ndi Jehovha.
8 Ndinozovarijira mundozva, ndozovaunganija;Ngokuti inini ndakavaponesa, ivona vanozowanda,Vozoenderera mberi veciwandisisa.
9 Pikija ndakavandhandhanisa inga mbeu pakati po vandhu,Ivona vanozondirangarira vari ku ndau jo ndhambo;Pamwepo no vana vavo, vanozova no simba vozohwirira.
10 Inini ndinozovahwirija kuvha ku nyika yo EjipitaNdozovaunganija kuvha ku Asiriya;Ndinozovatora kwenda navo ku Giriyadhi no ku Rebhanoni,Avazowani ndau inovakwanira.
11 Iyena anozopinda ngo mu jombe oritambuja;Wozotaka mavimbi o mu jombeNdau jese jakajika jo murambo wo Niro jinozovoma.
Kuzvikuja ko Asiriya kunozododokeswa,Ndonga yo umambo yo Ejipita inozovhiswa.
12 Inini Jehovha ndinozoita kuti vave no simba,Vozofamba ngo zina rangu, izvi ndizvona zvinonanga Jehovha.”
Masoko o Pasi
^ Kana: “zvimwari zvo pamuzi.” Gama ngo Gama: “terafimi.”
