Zakariya 9:1-17
9 Masoko anovha kuna Mwari:
“Jehovha ano masoko okuda kutonga Hadhiraki,Asi maningi-ningi anozotonga Dhamasko.Ngokuti majiso a Jehovha akasota ku vandhu veseNo mavhumbo ese o Iziraeri.
2 Masoko ake anozotongavo Hamati anoita mugano nayo,*Anozotongavo Tiro pamwepo no Sidhoni ngo kuva kwavo vazivi.
3 Tiro wakajivakira mupfimbiji kuti ajijivirire.
Wounganija sirivha inga bukutaNo goridhi inga matope o mugwanja.
4 Jehovha anozomutorera zviro zvake,Opeja masoca ake ecimakhandira mujombe;Iyena anozopiswa ngo muriro.
5 Ashikeroni inozozvivona, yozothya;Gaza inozohwajihwa maningi.Ekironi inozohwajihwavo, ngokuti vetero yayo yapserujwa.
Gaza inozoruza mambo wayo,Ashikeroni inozoita mathere.
6 Mwana wo nyikanja anozogara mu Ashidhodhi,Inini ndinozopeja kuzvikuja ko Mufiristi.
7 Ndinozovhisa zviro zvino sangi zviri pamuromo pakeNo zviro zvinosembhusa zvaakaruma pa meno ake,Iyena anozosara kuti aite mundhu wa Mwari wedu;Wozova mutungamiriri wo Judha,Vandhu vo Ekironi vanozoita inga vandhu vo Jebhusi.
8 Inini ndinozoita murindiri kuti ndingwarire nyumba yangu,Kuti patame anopinda ndipona no anoviya ndipona;Apana mushuphi anozopindazve ndikona,Ngokuti inini wari ndavona kutambujika ko vandhu vangu kamare.
9 Dakarai maningi, iwewe mwana wokaji wo Ziyoni.
Tambai ngo kudakara iwewe mwana wokaji wo Jerusarema.
Izwai! Mambo wako ari kuviya kouri.
Iyena wakarurama, anoviisa ruponeso,Anozvidodokesa, ari kuviya akapakira mbongoyo,Ari pacimbongoyo, cimwana co mbongoyo yokaji.
10 Ndinozovhisa mu Efraimi ngoro* jo hondoNo mahaci ari mu Jerusarema.
Uta jo hondo, jinozovhiswa.
Iyena anozozivisa runyararo ku majinja;Utongi hwake, unozotangira ku jombe rimwe kwenda ko jombe rimweniKuvhira ku Murambo,* mbhera ku magumo o nyika.
11 Ngo pamusoro pako iwewe mwanakaji, ndinozovhisa vandhu vako vakafungihwa murindi ricina kumwa,Ndecishandisa sangi yo citenderano cako.
12 Hwiriranyi mu ndau yenyu yakangwaririka, imwimwi vasungwi vano vetero.
Nyamasi inini ndinokuvhunja kudari,‘Iwewe mwanakaji, ndinozokukomborera kakapetwa kaviri.
13 Ndinozokombamisa Judha inga uta wangu.
Efraimi anozoita mupasha wo uta,Inini ndinozomusa vana vako iwewe, Ziyoni,Kuti vahwise vana vako, iwewe Gresiya,Ndinozoita kuti iwewe uve inga banga mu nyara yo musoca ano simba.’
14 Jehovha anozovoneka ari panyezuru pavo,Mupasha wake unozobuda inga murazvu.
Mambo Mukuru-kuru Jehovha, anozorija mbayapaya,Ozoenda koohwisa ano mbhepo jo kakusi.
15 Jehovha wo hondo anozovajivirira,Ivona vanozovapeja no kucika mapuwe ovakakhandirihwa.
Vanozomwa vozogara vakadakara inga vandhu vamwa vhinyu;Vanozoita inga tijhera yakazara,Vozoita inga sangi yapopomejwa pa zvikina zvo artari.
16 Jehovha Mwari wavo, anozovaponesa pa njiku yondhoyoInga zvinoitwa ngo muhavisi anoponesa mavhuta ake;Ngokuti ivona vanozoita inga mapuwe o mutengo mukuru o korowa, anomonikira mu nyika yake.
17 Ngokuti iyena wakanaka maningi,Iyena wakaseja maningi!
Zvokuha zvinozoita* kuti majaha ave no simba,Vhinyu imbza inozoita kuti vasikane* vave no simba.”
Masoko o Pasi
^ Kangaije: “zvinonangira nyika yo Hadhiraki na Dhamasko.”
^ Kana: “kareta.”
^ Zvinoreva: “murambo Eufrati.”
^ Kana: “Mucece inozoita.”
^ Kana: “mbhandwe jive.”
