Maano mukuvo wakareba kudini makaimira kuviya ko Umambo hwa Mwari? Muri kucungirira no kusengerera pacinenyi no matambujiko here? (Rom 8:25) MaKristu amweni anosongana no kuzondhwa, kutama kubatwa ushoni, kudihwa mukadheya, kana kutyisijihwa kufa. Vandhu vamweni vanocungirira muejo jakadari inga ndhendha jicingarapiki kana usharuka.

Cicinyi cinotibesera kuimira ngo mwoyo wese patinosongana no muejo jakadari? Tinodikana kuengejera rutendo hwedu njiku ngo njiku ngo kuverenga Bhaibheri no kurangarijisisa. Tinodikana kubatikana pa soterero yedu. (2 Kor 4:16-18; Heb 12:2) Tinodikanazve kudeketerera kuna Jehovha mu mukumbiro zve kuti atipe simba ro mujimu mucena wake. (Lc 11:10, 13; Heb 5:7) Baba vedu vano rudo vanotibesera kuva ‘vanovangirira mu dambujiko no kudakara.’—Kol 1:11.

VONANYI VHIDHIO INOTI TINODIKANA ‘KUGOGOMA NGO SIMBA RESE’—THEMBANYI KUTI MUNOZOWINA, PERAPO DAVIRANYI MUBVUNJO JINOTEVERA:

• Ngozvapi “zvicikavetehwi” zvingabuda mu upenyu? (Muc 9:11)

• Kuitisa kudini mukumbiro unobesera patinosongana no muejo?

• Kudari tikakonehwa kuita zvizinji mubasa ra Jehovha inga zvataimboita, ngenyi tinodikana kubatikana pa zvatinokwanisa?

• Icinyi cingatibesera kuramba takathemba kuti tinozowana mupfupo?