Apo pamunovona kusiyana-siyana ko kori yo maruva, denga rakazara ngo ndhondho, no kumwa yecipopoma, munokwanisa kuvona mabasa o Musiki? Zvisikwa zvakatitendeneja zvinokhombija mugariro jicikavoneki ja Jehovha. (Rom 1:20) Patinoima kuti tirangarire pa zvatinovona ngo meso, tinokwanisa kuvona simba ra Mwari, rudo, uzivi no ururami, kubatanija no kukova kwake.—Ndu 104:24.

Ngo api mabasa amweni akaitwa ndi Jehovha atinovona zuva ngo zuva? Kunyange vanogara mudhorobha, vangavona shiri kana mamuti. Kueujira mabasa a Jehovha kunotibesera kupungura kuthimwa-thimwa kwedu, kudira zvineso zvedu pa ndau yazvo no kuengejera rutendo hwedu kuna Jehovha uwo anokwanisa kutingwarira kwenda no kwenda. (Mt 6:25-32) Kudari muno vana, vabeserenyi kuvona mugariro jicikaezaniswi ja Jehovha. Patinoramba tecivona zvakasikwa zvakatitendeneja, tinoengejera kukhwedera phedo no Musiki.—Ndu 8:4, 5.

VONANYI VHIDHIO INOTI ZVIRO ZVAKASIKWA ZVINOVIISA RUKUJO KUNA MWARI—RUVHENEKO NO KORI , ZVE DAVIRANYI MUBVUNJO JINOTEVERA:

• Ngenyi tinovona kori?

• Icinyi cinoitisa kuti kori jicinje mukuzwirana no mavonero atinoita?

• Ngenyi tinovona kori jakasiyana-siyana mudenga?

• Ngo japi kori jinodakajisa jamunovona phedo no panyumba penyu?

• Ngenyi tinodikana kuwana mukuvo wo kueujira zvakaitwa mu nyika?