NGENYI ZVINOSISIRA: Vandhu vanodikana kudana zina ra Jehovha kuitira kuzoponeswa. (Rom 10:13, 14) Asi, asipi vese vanotendera kujija Bhaibheri vanoda kupona mukuzwirana no ndhungamiriro ja Jehovha. Isusu tinoshandisa nguva yedu inosisira mu basa ro mu munda tecibesera vayani vanoda kuita cinjo kuitira kudakajisa Jehovha. Kudari mujiji wedu wo Bhaibheri akatama kuenderera mberi ko nguva yakareba, tinoshandisa no ungwaru kuvangisira kwedu kuna vayani vari kukwevejehwa ndi Jehovha kuti vaviye mu sangano rake. (Jo 6:44) Zvokadi, kumberiyo kudari mundhu wondhoo akakhombija kuva ‘ano murangariro wakanaka wokuti ave no upenyu ucingaperi,’ isusu no kudakara kwese tinozohwirirazve kojija naye Bhaibheri.—Mait 13:48 Shanduro yeNyika Itsva.

MAITIHWE AZVO:

• Simbanyi mujiji ngo kuda kwake kuwana zivo yo zvokadi.—1 Tim 2:4

• Kukohomejera dikano yo kushandisa zvaakajija.—Lc 6:46-49

• Ngo nyasha bhuisananyi ngo mufananijo wa Jesu wo mukusi, zve mukumbirenyi kuti avonese ngozvapi zviri kumuphinga.—Mt 13:18-23

• Ngo kupfava mu sumurirenyi kuti ngenyi muri kuda kuimisa jijo

• Itanyi kuti azive kuti nguva jimweni munozomupsaka kuitira kumuvangisa zve jijo yake ingatangazve kumbeji kudari akada kuita cinjo

VONANYI VHIDHIO, PERAPO DAVIRANYI MUBVUNJO JINOTEVERA:

• Ngozvapi zvamajija kubvira pa mabhuisano aikhombija kuti mujiji acaitepi cinjo mu zvo umwari?

• Kuitisa kudini mucumaeri wabesera mujiji wake kuti ade kuita cinjo?

• Kuitisa kudini mucumaeri wasiya musuvo wakashama kuti jijo izotangezve kumbejiyo?