Jakobe wakahwisana no ngirozi kuti awane zviro zvaisisira maningi—makomborero a Jehovha. (Gn 32:24-31; Hos 12:3, 4) Tingati kudini ngo pamusoro pedu? Tiri kuita zvese zvatinokwanisa kuti tizwire Jehovha no kuashira makomborero ake? Inga muezaniso, kudari no maidikana kusana kwenda ku musongano no kuengejera basa renyu kuti muwane mare yakawanda, maizosanenyi? Patinoshandisa nguva yedu, simba no mare yedu kuti tishandire Jehovha, iyena anogondesa kuti ‘anozodurura panyezuru pedu makomborero akawanda.’ (Mal 3:10) Iyena anozotingwarira no kutipa zvese zvatinoda.—Mt 6:33; Heb 13:5.

VONANYI VHIDHIYO INOTI RAMBANYI MUNO ZVIDO ZVO UMWARI PERAPO DAVIRANYI MUVHUNJO JINOTEVERA:

• Hambzaji iyi yaejwa kudini ngo zviro zvayaidakarira?

• Kuitisa kudini basa redu ringava cineso kwatiri?

• Ngenyi Timoti waidikana kuva no zvido zvo umwari pikija wainga Mukristu wakaivha kumujimu?—1 Tim 4:16

• Tingakhombijisa kudini kuti basa iri ndirona rinosisira maningi kwatiri?