Pa karata yake kuna Tito, mupostori Pauro wakatara ku vocidoko kubatanijavo na Tito, kuti vaidikana kuvangisira kuva muezaniso wo mabasa ese akanaka. (Tito 2:6, 7) Mu cipauko condhoco wakakhombija kuti vandhu va Jehovha vaizoceneswa kuti vavangisire pa mabasa ‘akanaka.’ (Tito 2:14) Amwe o mabasa aya ngo okucumaera no kujijisa ngo pamusoro po Umambo hwa Mwari. Kudari muri wocidoko, mungashandisa simba renyu kuti mushande inga piona wo besero kana wo nguva yese?—Mazwi 20:29.

Kudari munodakarira kushanda inga piona, nasiriranyi mabasa enyu wari kuti muzokwanirise cido ici. (Lc 14:28-30) Inga muezaniso, zvicinyi zvamungaita kuti muzvisapote no kuva piona? Munozokwanirisa kudini nguva jinodiwa kuno mupiona? Kumbiranyi besero ra Jehovha ngo mukumbiro. (Ndu 37:5) Bhuyanyi no majibaba enyu pomwe no mapiona ano nguva yakawanda ngo pamusoro po cido cenyu. Perapo itanyi mudanyu kuti mukwanirirse cido cenyu. Jehovha anozokomborera kuvangisira kwenyu!

VONANYI VHIDHIO INOTI SHANDISANYI UDOKO HWENYU KUITIRA KUKUJA JEHOVHA ZVE DAVIRANYI MUVHUNJO JINOTEVERA:

• Zvineso zvapi zvakasongana no vamweni kuti vashande inga mapiona? Zve vakazozviitisa kudini?

• Vabari vangabesera kudini vana vavo kuti vave mapiona o nguva yese?

• Ngenyi zvinosisira kuva no urongwa wakanaka?

• Hama no hambzaji jingavangisa kudini no kubesera mapiona?

• Makomborero api anova no vaya vanoshanda inga mapiona?