KURARAMA INGA MAKRISTU
Tizanyi Murau Iji Pamunonga Meciitisa Jijo yo Bhaibheri
Kubhuya Maningi: Amudikani kujizwa inga kuti munodikana kusanangura zvese. Jesu wakashandisa mubvunjo kuitira kubesera vandhu kuti varangarire zve vagume pa mbhejiso yakanaka. (Mt 17:24-27) Mubvunjo jinosia mujiji wakasujunuka zve jinomubesera kuti acunge kunanga zvaazwisisa no zvaanotenda. (be-CA 253 ¶3-4) Pamunoita mubvunjo, ivanyi munosengerera zve munovetera kuitira mupinguro. Kudari mujiji wakapa mubvunjo wakaposeka, kunja ko kumubvunja mupinguro wakarungama, mutungamirirenyi kuti ave no mbhejiso yaushoni ngo kushandisa mubvunjo jo kuengejera. (be-CA 238 ¶1-2) Kuvereketa mu njira inotendera kuti mujiji abatisise mazano mapsa.
Mucadovangisa Zvijijo: Tizanyi murau wo kubatanija zvese zvamunoziva no shwiro iri kunangwaro. (Jo 16:12) Batikananyi basi pa mafundo mazinji ari pa ndima. (be-CA 226 ¶4-5) Pikija zvimuthyathya-muthyathya zvingadakarihwa, izvona zvingakwanisa kufukija mafundo anodiwaro. (be-CA 235 ¶3) Kudari mujiji wazwisisa fundo guru, endanyi pa ndima inotevera.
Kukwakwatija Masokoo Basi: Cidisiso cedu ngo co kubaya mwoyo, haiwa co kupeja. (Lc 24:32) Shandisanyi simba ro Soko ra Mwari ngo kusotesesa tsamba jijosisira jo pa cijijo. (2 Kor 10:4; Heb 4:12; be-CA 144 ¶1-3) Shandisanyi mufananijo jakareruka. (be-CA 245 ¶2-4) Vonanyi zvineso no zvinotenda mujiji zve shandisanyi cijijoco kuitira iyena kamare. Mubvunjisenyi kudari: “Munozwa kudini ngo pamusoro po zvamuri kujija? Izvi zvinotijijisenyi ngo pamusoro pa Jehovha? Ngorapi besero ramunovona ngo kushandisa mbhangiro yakadari?”