Kudari tikaguma pa muzi todavihwa ngo mwana mudoko, tingakumbira kubhuya no vabari vake. Izvi zvinoreremeja umusoro hwavo. (Mazwi 6:20) Kudari mwana wiya wakatikoka kuti tinghwine, tinodikana kuramba. Kudari vabari vake avapo, tingazohwirira pa nguva imweni.

Kudari mwanewo wati kurire, kangaije ano makore ari pakati po 15 no 19, zvaizondova zvakanaka kubvunjisa dengani vabarivo varipo. Kudari vacikawaniki, zvaizova zvaushoni kubvunjisa dengani vanotendera kuti akhete zvaanoda kuverenga kana haiwa. Kudari vecitendera, tingamupa mabhuku kangaije kutomukhombija kamare zvecibva mu jw.org.

Patinoita hwiririro ku wocidoko wakavonesa kudakarira, tinodikana kukumbira kuvonana no vabari vake. Izvi zvinozotitendera kuvasanangurira cinangwa cedu co kuviepo no kuvatatija kuthembeka no kugondeka ko mbhangiro inowanika mu Bhaibheri kuitira mbhuri. (Ndu 119:86, 138) Kutatija kwedu nderemejo no kudakarira vabari kunozoita ucapupu hwakanaka zve hungatipa mukana umweni wo kukovana masoko akanaka no mbhuriyo.—1 Ped 2:12.