NGENYI ZVINOSISIRA: Jehovha anoita kuti mbeu yo cokwadi ikure mu mwoyo yo ‘vaya vano murangariro wakanaka wokuti vave no upenyu ucingaperi.’ (Mait 13:48 Shanduro yeNyika Itsva; 1 Kor 3:7) Tingaita basa pamwepo kuti tibatane no kuvangisana mu basa ro kucumaera kuno avo vanodavira kujija. (1 Kor 9:26) Vajiji vo Bhaibheri vanodikana kuzwisisa kuti rubhabhatijo hwo ciKristu unodikana maningi kuitira ruponeso. (1 Ped 3:21) Tingavabesera kuti vave vajiji no kuvajijisa kuti vaite cinjo mu upenyu hwavo, pa kucumaera no kujijisa, zve vapire upenyu hwavo kuna Jehovha.—Mt 28:19, 20.

MAITIHWE AZVO:

• Ceukijanyi vajiji vo Bhaibheri kuti cinangwa co jijo yavo i kuitira kuvabesera kuti vagume pa ‘kuziva’ Jehovha no kumudakajisa. —Jo 17:3

• Kuvabesera kuti vaenderere mberi ku zvoumwari ngo kunyisa zvineso, zvakadari inga ushamwari ucikasisiri

• Kuvavangisa vacito no pakupera kubhabhatijwa kwavo.—Mait 14:22

VONANYI VHIDHIO INOTI JEHOVHA MWARI ANOZOMUBESERA, ZVE DAVIRANYI MUVHUNJO JINOTEVERA:

• Kangaije vamweni vanothyenyi kudari vakazvipira no kubhabhatijwa?

• Vakuru vo ungano vangabesera kudini vajiji vo Bhaibheri kuti vaenderere mberi ku zvoumwari?

• Ngozvapi zvatinojija pa Isaia 41:10 ngo pamusoro pa Jehovha?

• Ngoapi mavara anotiitisa kuti tikwanise kushandira Jehovha pikija ticizivi kukwana?