Kutangira mu gore ro 2018, marevhista edu o vese akacinja. Imwe ngaimwe inobuda yecibhuya ngo pamusoro po shwiro imwe. Marevhista ese aya anoita divi ro Bhokiso redu Rokujijisa. Ngo kudaro, tingatomashandisa mubasa ro kucumaera. Tingatora marevhista aya kudari tecida kuenda kuri kwese, kuita hwendo kana kuenda kubazari. Atishandisi marevhista aya pa kuitisa jijo jo Bhaibheri, asi iwona akaithwa kuitira kumusa cidaka-daka co vandhu vanoda kujija zvizinji ngo pamusoro pa Mwari.

Pa munotanga kubhuisana, verenganyi vhesi yo Bhaibheri, nanganyi musoro wo revhista unomusa cidaka-daka co mundhuwo. Inga muezaniso, kudari ecikhorondha ukama, kana kuti wakasuruvara no kuthimwa-thimwa, imwimwi mungananga kudari: “Ndakamboverenga revhista yaibhuya ngo pamusoro pazvo. Ndingamukhombijavo?” Kudari ecikhombija kudakarira, mungamupekeja revhista kana kumutumira rinki yo revhista, pikija pamunotanga kusongana naye. Cido cedu asipi cokupekeja marevhista basi, asi marevhista anotibesera kuitira kuwana vandhu vanoda kupona mukuzwirana no zvavanojija.—Mait 13:48.