Zvecivoneka kuti dambujiko guru raaphedo, basa redu ro kucumaera ngo ro kukasika kamare. (Mazwi 24:11, 12, 20) Kuti tibesere vandhu, tingashandisa khadhi ro kunghwina mu site kuti titungamirire kudakarira kwavo kamare mu Soko ra Mwari no mu site yedu. Khadhi rina khodhi inotungamirira pa vhidhio ina musoro unoti: Ngenyi Kujija Bhaibheri? no cikumbiro kana ecida masoko mazinji kana kujija Bhaibheri. Vandhu vamweni avatenderi kuashira mabhuku edu asi vanocido co kunghwina mu webisaiti yedu. Mucathya kuvapa khadhi ro kunghwina. Ngokudaro, mucasiira khadhi ro kunghwina mu site vandhu vacikatatiji kudakarira.

Pamunoenda ku basa renyu ro njiku no njiku, mungakwanisa kumusa kudakarira ko ari wese ngo kunanga kuti: “Ndina ciri cese candaidakarira kumupa. Khadhi iri rinomutungamirira kuti mughwine mu website kuti muwane masoko mucikapagari no vhidhio jakasiana-siana.” (Jo 4:7) Ngokuti makhadhi o kunghwina mu site i ciro cidoko, mungakwanisa kuramba muno zvinganani kuti muzope vamweni pa mukana uri wese.