Kudari muri mucumaeri acizivi kubhabhatijwa kana mujiji wo Bhaibheri, muno cido co kubhabhatijwa here? Ngenyi munoda kubhabhatijwa? Kuzvipira no kubhabhatijwa kunoita kuti muve no ushamwari hwakanaka na Jehovha. (Ndu 91:1) Rubhabhatijo unoita kuti mundhu aponeswe. (1 Ped 3:21) Mungaitenyi kuti mugume pa kuzvipira no kubhabhatijwa?

Zviejenyi muvone kuti zvamuri kujija ngo zvokadi. Kudari mukatanga kujiita muvhunjo, psakisisanyi shwiroyo. (Rom 12:2) Psakanyi kuita cinjo jinodikana. Kudari mukaita cinjojo zivanyi kuti muri kuda kudakajisa Jehovha. (Mazwi 27:11; Ef 4:23, 24) Nguva jese kumbiranyi besero rake. Ivanyi no cokwadi cokuti Jehovha anozomuvangisa no kumubesera ecishandisa mujimu mucena wake. (1 Ped 5:10, 11) Kuvangisira kwenyu akuzovi kwabiresi. Kushandira Jehovha kunoviisa upenyu hunodakajisa!—Ndu 16:11.

VONANYI VHIDHIYO INOTI GWANJA RO KUENDA KU RUBHABHATIJO, PERAPO DAVIRANYI MUVHUNJO JINOTEVERA:

• Zvineso zvapi zvakasongana no vamweni kuti vagume pakubhabhatijwa?

• Mungaitenyi kuti muve no rutendo hwakavanga kuti muzvipire kuna Jehovha?

• Ngozvapi zvakandundira vamweni kuti vatore mudanyu jo kuenda kobhabhatijwa?

• Ngoapi makomborero anovepo ngo kusana kushandira Jehovha?

• Kuzvipira no kubhabhatijwa kunorevenyi?