Jehovha anovona mbhiko yo vakarovorana inga ciro cinosisira maningi. Cimweni anoda kuti mukaji no mwamuna vareremejane. (Mt 19:5, 6) Pakati po vandhu va Jehovha pano varovorani vano mucadho jakadakara. Pikija nokuti akuna mucadho wakakwana. Pa mucadho panowanikavo zvineso. Vandhu vazinji vanovona kuparajana no kurambana inga njira yokupeja zvineso zvinobuda pa mucadho, asi itisu atidikani kurangariravo kudaro. Varovorani vo Cikristu vangangwaririsa kudini mucadho wavo?

Vonanyi mafundo mashanu angabesera.

1. Ngwariranyi kuti mutame kutamba no mundhu inga munomuda, kuvona mabhungaijo akashata, izvi zvingaguma pakurembesa mucadho.—Mt 5:28; 2 Ped 2:14.

2. Vangisanyi ushamwari hwenyu na Mwari, zve engejeranyi cido cenyu cokumudakajisa pa mucadho wenyu.—Ndu 97:10.

3. Endereranyi mberi mecisimira undhu upsa, rangariranyi zviro zvidokowane zvamungaita kuti mudakajise mwamuna wenyu kana mukaji wenyu.—Kol 3:8-10, 12-14.

4. Endereranyi mberi mecikhombijirana nderemejo no kubhuisana ushoni.—Kol 4:6.

5. Pa mucadho munodikana kukhombijirana rudo.—1 Kor 7:3, 4; 10:24.

Kudari Makristu akareremeja mucadho, ivona vanonga vecireremeja Muumbi wo mucadho, Jehovha.

VONANYI VHIDHIYO INOTI TINODIKANA ‘KUGOGOMA NGO SIMBA RESE’—KUTEVEJERA MUTEMO JO MUPHIKIZANO, PERAPO DAVIRANYI MUVHUNJO JINOTEVERA:

• Pikija kuti mucadho ungatanga ushoni, zvineso zvapi zvaingazovepo?

• Ndhungamiriro jo Bhaibheri jingabesera kudini vaya vanovona kuti avacina rudo mu mucadho wavo?

• Jehovha anopa varovorani mutemo japi?

• Mucadho kuti uve unobudirira vo vaviri vanodikana kuitenyi?