Zvineso zvapi zvamuri kusongana nazvo? Kureva kuti muri musoro wo mbhuri ano mutoro jakawanda here? Muri kurera vana venyu mwega zve munodikana kushanda ngo simba kuti mukorondhe mbhuri yenyu? Muri mujaha ari kushohwa ngo vadoni vokucikora? Muno cineso co uhomi kana kuti ma musharuka? Vandhu vese vanosonganavo no zvineso. Makristu mazinji anosonganavo no zvineso zvizinji pamukuvo wondhowo. Ngo kudaro, tinoziva kuti ngo kukasika Jehovha anozotisujunura mu zvineso zvese.—2 Kor 4:16-18.

Acito azviita, tinonyarajwa ngo kuziva kuti Jehovha anozwisisa zvineso zvatiri kusongana nazvo. Iyena anoreremeja kugondeka kwedu no kucungirira, zve anozotikomborera ngo kucungirira kwedu. (Jr 29:11, 12) Jesu mundhu umweni anotida maningi. Patinonga tecihwisana no zvineso zvedu, tingaceukija masoko akananga Jesu okuti: “Ndinemwi.” (Mt 28:20) Kudari tikaenderera mberi tecirangarijisisa ngo rusujunuko hwo kumbeji unozoviiswa ngo Umambo hwa Mwari, tinozovangisa vetero yedu no kucungirira kwedu patinosongana no zvineso.—Rom 8:19-21.

VONANYI VHIDHIYO INOTI MBHEPO HURU IRI KUZA, RAMBANYI MAKABATIKANA MUNA JESU!—MAKOMBORERO O KUMBEJI O UMAMBO, PERAPO DAVIRANYI MUVHUNJO JINOTEVERA:

• Vandhu vakaruzisa kudini ushamwari hwavo na Mwari, zve ngo wapi wakava muviyo?

• Makomborero api anovetehwa ngo vandhu vakagondeka kuna Jehovha?

• Kumbeji kwakasejari kunozokwanirisika kudini?

• Makomborero api amuri kuvetera kuwana mu nyika imbza?