Jehovha wakaronga jinja ro Vaiziraeri kareko. Na nyamasi uno, ari kurongazve vandhu vake kuti vaite kuda kwake. Kutenderera nyika yese, mabheteri, ndharaundha, ungano, no zvikwata zvo basa rokucumaera zvinoshanda pamwepo kuti masoko akanaka acumaehwe. Tinocumaera vandhu vese, kubatanija no vandhu vacikavereketi ndumi yedu.—Ap 14:6, 7.

Makamborangarira kujijira ndumi imweni kuti mubesere vandhu kujija cokwadi? Kudari mucina nguva yokujija ndumi imweni, mungashandisa JW Language kuti mujijire kucumaera ngo ndumi imweni ngo njira yakareruka. Kudari mukaita izvi, munozova no mudakaro inga wakava no hama jo muzana rokutanga ro makore pavakapera kucumaera vandhu vo majinja amweni. Vandhu vo nyika jimweni vakashamaiswa pavakazwa “muxamaiso ya Mwari” ngo ndumi javo kamare.—Mait 2:7-11.

VONANYI VHIDHIYO INOTI IVA SHAMWARI YA JEHOVHA—KUCUMAERA KU NDUMI YO VONYIKANJA, PERAPO DAVIRANYI MUVHUNJO JINOTEVERA:

• Mukuvo wapi watingashandisa JW Language?

• Ngo zvapi zviro zvimweni zvingawanika mukatimo?

• Vandhu vari mundima menyumo vanovereketa ndumi japi?

• Ngozvapi zvatinodikana kuita kudari tikawana mundhu ari kukhombija kudakarira, asi anobhuya ndumi imweni?—od-CA 100-101 ¶39-41