Vajiji vo Bhaibheri kuti vave shamwari ya Jehovha vanodikana kusana ushoni shamwari javo. (Ndu. 15:1, 4) Kuva no shamwari jakanaka kunozovabesera kuti vaite zvaushoni.—Mazwi 13:20; lff cijijo 48.

Pamunobesera vajiji venyu vo Bhaibheri kuti vatize shamwari jakashata, khombijanyi unyasha. Kangaije zvinganesa kwavari kusiya shamwari javo jo kare. Tatijanyi kuti munoneseka ndiyena njiku jese, kuciripi basi mu njiku jamunojija. Mungaita izvo ngo kumutumira mensajhi, kumufonera kana kumuvhakacira. Mujiji wenyu paanoenderera mberi mungamukoka kuti avevo pamwepo no vashandiri va Mwari. Iyena anozovona kuti ari kuwana zvizinji kupinda zvaakaruza. (Mar. 10:29, 30) Imwimwi munozodakarazve pamunozovona vandhu va Mwari veciengejeka.

VONANYI VHIDHIYO INOTI BESERANYI VAJIJI VENYU KUTI VATIZE USHAMWARI WAKASHATA, PERAPO DAVIRANYI MUVHUNJO JINOTEVERA:

• Ngojapi shamwari jakashata?—1 Vak. 15:33

• Jadhi wairangarira kuti Makristu anobungaijisa kudini?

• Rita wakabeseresa kudini Jadhi kuti asiye shamwari jakashata?