Ngenyi munodikana kunasirira? Kuraphwa ko kukasika pomwe no kubhashari ku shipitari zvingatoitika ngo civhumbu. Ngo kudaro, kujinasirira wari kunoita kuti tizokwanise kuwana besero pakambhera ngo kumuka shwiro jakadari. Ngo kuita kudaro, munovonesa kuti munoreremeja upenyu pomwe no mutemo wakapa Jehovha ngo pamusoro po ngazi.—Mab 15:28, 29.

Zvicinyi zvamungaita kuti munasirire?

• Itanyi mukumbiro no kunasa kupresheri khadhi rinoti Diretivas Antecipadas. a Vacumaeri vakabhabhatijwa vangatora khadhi iri panotorehwa mabhuku kuitira ivona no kutoreravo vana vavo vadoko khadhi rimweni rinoti Cartão de Identificação

• Kudari imwimwi muno mimba, kumbiranyi vakuru khadhi rinoti, Informações para gestantes (S-401). Khadhi iri rinozomubesera kuti muteme zvivaringo zvushoni ngo pamusoro po marapihwe amungadikana kuitwa pamunonga muno mimba kana pamunonga mecibara

• Kudari munoda kuraphwa kana kubhashari kushipitari, zivisanyi vakuru nguva iciripo no kuvhunja vo kushipitari kuti hama jenyu jiri Zvapupu zva Jehovha jinozomuvhakacira

Vakuru vangabeseresa kudini? Ivona vangamubesera kuti mupresheri khadhi rinoti, Diretivas Antecipadas. Asi vakuru avazomutemeri zvivaringo ngo manera amunozoda kuraphwa kana kunanga kuti novainga ivona vaizotendera kuraphwa ngo njira iyi. (Var 14:12; Vag 6:5) Pamunovhunja vakuru vo ku ungano kwenyu kuti muri kusongana no shwiro yo kudihwa ngazi pa kuraphwa kwenyu, ngo kukasika ivona vanozobhuya no hama jinoshanda ku Komisau Inoshanda no Cipitari kuti jimubesere.

Vanoshanda ku Komisau Inoshanda no Cipitari vangabeseresa kudini? Hama jinoshanda ku komisau iyi jakajijiswa manera okubesera mamedhiko kuti azwisise zviya zvatinotenda ngo pamusoro po ngazi. Ivona vangatovhunja medhiko wenyu njira jimweni jo kuraphwa ndijona kusiyapo kushandisa ngazi. Kudari zvecitodiwa, ivona vangatomubesera kuti muwane medhiko angatendera kumurapa pacikashandiswi ngazi.

VONANYI VHIDHIYO INOTI, KUKHETA MARAPIHWE AUNODA KUDARI PAKADA KUSHANDISWA NGAZI, PERAPO DAVIRANYI MUVHUNJO UNOTEVERA:

• Ngozvapi zvamajija mu vhidhiyo iyi zvingamubesera kuti mujinasirire kuitira kusana marapihwe amunoda kudari pakada kushandiswa ngazi?

  textarea-1