Mu njiku jino jokupejisira, itusu tiri kusongana no zvineso zvakawanda maningi. Nguva jimweni, tingatoguma pakurangarira kuti zvineso zvedu zviri kunesa maningi kucungirira. Asi, kudari tikaenderera mberi tiri phedo na Jehovha, iyena anozotibesera kuti tikwanise kunyisa zvineso izvi. (Is 43:2, 4) Tingaitisa kudini kuti itusu tive phedo na Jehovha patinosongana no zvineso?

Tinodikana kuita mukumbiro. Patinovhunja Jehovha zvatiri kuzwa, iyena anotipa runyararo no simba ro kucungirira.—Vaf 4:6, 7; 1 Vat 5:17.

Tinodikana kuviya pamusongano. Wari tinoda maningi zvokuha zvo umwari kupinda kare. Tinodazve kuva pamwepo no hama no hambzaji jedu kuti tijijiswe ndi Jehovha pamusongano. (Vah 10:24, 25) Patinonasirira, toviya pamusongano no kudavira, tinonasa kubesereka kamare ku divi ro umwari.—Ap 2:29.

Tinodikana kwenda kocumaera. Zvinozotirerukira maningi kubatikana pa zviro zvaushoni kudari tikaita zvese zvatinokwanisa kuti tiite basa ro kucumaera. Cimwenizve, tinozovangisa ushamwari hwedu na Jehovha pomwe no hama no hambzaji jedu. —1 Vak 3:5-10.

VONANYI VHIDHIYO INOTI, JEHOVHA ANOZOMUASHIRA, PERAPO DAVIRANYI MUVHUNJO JINOTEVERA:

• Zvicinyi zvakabesera Malu kuti ave phedo na Jehovha pikija no zvineso zvaaisongana nazvo?

  textarea-1

• Inga ndi Malu, magama atinowana pana Nduyo 34:19, anotivangisa kudini patinosongana no zvineso?

  textarea-2

• Zvakasongana na Malu zvinovonesa kudini kuti Jehovha anotipa “simba rinopindirija ro vandhu” patinosongana no zvineso?—2 Vak 4:7.

  textarea-3