Itusu tinoda kudakajisa Jehovha pa zvese zvatinoita. (Mazwi 27:11) Kuti tikwanise kuita izvi, tinodikana kutema zvivaringo zvinozwirana no murangariro wa Jehovha pikija apana mutemo wakajeka ngo pamusoro pazvo. Ngozvapi zvingatibesera kuti tikwanise kuita izvi?

Ivanyi no cirovejeso co kujija Bhaibheri mukuvo wese. Pa vhaza yese yatinonga teciverenga Bhaibheri, tinonga tecipeja nguva na Jehovha. Tingajijira kurangarira inga ndi Jehovha ngo kuvona manera aakataja vandhu vake pomwe no muezaniso jo vandhu vakaita zviro zvaushoni no zvakashata mu mavonero ake. Patinoda kutema zvivaringo, mujimu mucena wa Jehovha ungatibesera kuti ticeukije zviro no ndhungamiriro jotakajija mu Soko ra Mwari.—Joh 14:26.

Psakisisanyi. Pamunoda kutema civaringo ciri cesse, jivhunjisenyi kudari, ‘I vhesi yapi kana ciitiko capi cinowanika mu Bhaibheri cingandibesera kuti ndizive mavonero anoita Jehovha shwiro iyi?’ Itanyi mukumbiro mecikumbira besero ra Jehovha no kushandisa mathurusi esse anowanika mu ndumi yenyu kuti amubesere kuwana ndhungamiriro iri yese ingamubesera pa mugariro wamunawo waro.—Ndu 25:4.

VONANYI VHIDHIYO INOTI, TINODIKANA ‘KUGOGOMA NGO SIMBA RESE,’ ZVOKUHA ZVINOVANGISA, PERAPO DAVIRANYI MUVHUNJO JINOTEVERA:

• Hambzaji yatavona pa vhidhiyo yakasongana no zvineso zvapi?

  textarea-1

• Maizoshandisa kudini mathurusi okupsakisisa kuti mujibesere pamunosongana no zvineso zvakafanana?

  textarea-2

• Tinobesereka kudini kudari tikapsaka nguva kuti tipsakisise no kuita jijo yo Bhaibheri yo mundhu ega? —Vah 5:13, 14.

  textarea-3