Makore ese vandhu va Jehovha vanovetera no cidaka-daka cese kuti njiku yo Cirangarijo igume. Sumana nganani Cirangarijo cicito catanga no pacinopera, itusu tinopsaka mukana kuti tikuje no kubongesera Jehovha ngo kutipa cipo ici co muripo. (Vae 1:3, 7) Inga muezaniso, tinobatikana pa kukoka vamweni kuti vaviye ku ciitiko ici. Vamweni vanotoita cinjo iri yese kuti vakwanise kushanda inga piyona wobesero, kuti vaite 30 kana 50 o nguva mu mweji ja Março na Abril. Maidakarira kuengejera nguva yamunopeja mecicumaera mu mukuvo uwu wo Cirangarijo? Zvicinyi zvingamubesera kuti muite izvi?

Kazinji, kuita urongwa nguva iciripo kunobesera maningi. (Mazwi 21:5) Zvecivoneka kuti mukuvo wo Cirangarijo uri kukhwedera, wari i nguva yaushoni yo kuita urongwa. Rangariranyi zvamungaita kuti muengejere basa renyu pa mukuvo uwu no manera amungazvikwanirisa. Perapo kumbiranyi Jehovha kuti akomborere kuvangisira kwenyu.—1 Joh 5:14, 15.

Muri kurangarira njira iri yese ingamubesera kuti muengejere basa renyu pa mukuvo wo Cirangarijo?