ZVISHANDISENYI MU BASA RO MU MUNDA | ENGEJERANYI MUDAKARO WENYU MU BASA RO KUCUMAERA
Bayanyi Mwoyo
Kuzwira Mwari kunodikana kuvha ngo mu mwoyo. (Mazwi 3:1) Patinojijisa tinodikana kuvangisira kuti tibaye mwoyo jo vapurukiri vedu. Tingazviitisa kudini?
Mucajijisa basi zvokadi zvo Bhaibheri mujiji wenyu, asi beseranyi mujiji wenyu kuti azwisise kuti zvaari kujijaro, zvinopsasa kudini upenyu hwake no ushamwari hwake na Jehovha. Mubeserenyi kuti azwisise kuti ndhungamiriro jo Bhaibheri jinovonesa rudo, unaki no ururami hwa Mwari. Ngo kunaka mwoyo, mubeserenyi kuti apopore mazwiro ake ngo pamusoro po zvaari kujijaro. Mubeserenyi kuti arangarire kuti upenyu hwake kuti waizoitisa kudini nane kudari akacinja mugariro jake no zvirovejeso zvake. Pamunovona kuti mujiji wenyu ari kutatija rudo kuna Jehovha ngo mwoyo wese, mudakaro wenyu unoengejeka.
VONANYI VHIDHIYO INOTI IVANYI NO MUDAKARO MU BASA RO KUITA VAJIJI—ITISANYI NANE KUZIVA KWENYU—BAYANYI MWOYO , PERAPO DAVIRANYI MUVHUNJO JINOTEVERA:
-
Ngenyi Rita wakavhunjisa Jadhi kuti: “Ucarangarira zvatakabhuyaya pa njiku iya?”
-
Rita wakabeseresa kudini Jadhi kuti azwiranise ndhungamiriro jo Bhaibheri no rudo hwa Jehovha kwaari?
-
Kudari tikabaya mwoyo wo mujiji wedu, iyena anozoenderera mberi ecikhwedera phedo na Jehovha
Rita wakabeseresa kudini Jadhi kuti arangarire manera aangavonesa kuti anoda Mwari?
