Munodikana kuva no rutendo kuti musiye ukama hwenyu kuti muende kunodiwa maningi vacumaeri kuitira kuengejera mushando wenyu mu basa ro kucumaera. (Vah. 11:8-10) Kudari muno cido co kwenda koshanda kunodiwa maningi vacumaeri, bhuyanyi no vakuru vo ungano yenyu. Asi i zviro zvapi zvamungaita mucito matema civaringo ici? Vonanyi zvinoreva mabhuku edu ngo pamusoro po kwenda koshandira kunodiwa maningi vacumaeri. Bhuyanyi na vaya vakava no muviyo jaushoni pavakaenda kobesera ungano jimweni. (Mazwi 15:22) Kumbiranyi Jehovha kuti amupe besero rinodikana. (Jak. 1:5) Psakanyi kuziva ngo pamusoro po ndau yamuri kudaro kwenda, kudari zvecikwanisika, endanyi kokuvona mucito matema civaringo co kwendeyo.

VONANYI VHIDHIYO INOTI NGO RUTENDO, NGHWINANYI NGO MUSUVO WO MAKAFUNUNGURIHWA—ENDANYI KUNODIWA MANINGI VASHANDI, PERAPO DAVIRANYI MUVHUNJO UNOTEVERA:

• Zvineso zvapi zvakadikana kunyiswa ndi Gabrieri? Waro ngo zvapi zvakamubesera?