Hama jinoshanda ngo simba kuti jinasirire masoko anoviya pa kubhuisana ko kuezanisira. Vacumaeri vazinji vari kutovona kuti masoko aya ari kubudirira maningi mu ndima mavo, zvecivoneka kuti mugariro ungasiyana mu nyika imwe nga imwe. Vacumaeri vangashandisa muvhunjo mu basa ro kucumaera kana shwiro yakasiyana yavanovona kuti ingadakarihwa ngo vandhu vo mu ndima mavo. Asi vese vanodikana kuzwira ndhungamiriro kuitira fafanya inosisira. Cido cedu ngo co kukwanirisa basa ratakapuwa ndi Jesu, rokucumaera masoko akanaka o Umambo.—Mat. 24:14.

Patinoita mativi pa cikora, vacumaeri vanodikana kushandisa muvhunjo wo pa kubhuisana ko kuezanisira unoviya pa Cokutarira zvo Musongano Upenyu no Mushando. Asi kudari pakatama kuva no ndhungamiriro imweni, ivona vangasana kushandisa muvhunjo umweni, tsamba imweni, kana kusiya muvhunjo umweni wo shwiro inotevera, kudari muvhunjowo wecidakarihwa ngo vandhu mu ndimemo. Ndhungamiriro ipsa iyi yakaviya pa Cokutarira zvo Musongano wo Junho wo 2020 pa pheji 8.