Mu Bhaibheri muno muezaniso jo mukumbiro jakawanda jakadavihwa ndi Jehovha. Vashandiri va Jehovha pavanovona kuti iyena anopurukira mukumbiro jo umwe nga umwe no kuvabesera, rutendo hwavo unovanga. Ngo kudaro, zvakanaka maningi kunanga zviri kutinesaro kamare pa mukumbiro jedu, no kupsaka kuvona mupinguro wa Jehovha. Ceukijanyi kuti iyena angadavira mukumbiro uwu mu njira yakasiyana no yataivetera. (2 Vak. 12:7-9; Vae. 3:20) Jehovha angadavirisa kudini mukumbiro jedu?

• Angatipa simba rokumujimu mucena no mu mazwiro kuti tihwisane no cinesoco.—Vaf. 4:13

• Angatipa uzivi kuti tiite zvisungo zvaushoni.—Jak. 1:5

• Angatipa simba no cido co kuita zviri zvese. —Vaf. 2:13

• Angatinyaraja patinonga tecineseka.—Vaf. 4:6, 7

• Vamweni vangativangisa kana kutibesera pa zviya zvatinoda.—1 Joh. 3:17, 18

• Angabesera vaya vatinokumbiririra.—Mab. 12:5, 11

VONANYI VHIDHIYO INOTI JEHOVHA I “MUZWI WO MUKUMBIRO,” PERAPO DAVIRANYI MUVHUNJO JINOTEVERA:

• Muezaniso wa hama Shimizu ungativangisa kudini kudari atiripi kukwanisa kuita zvese zvataida ngo ndava yo zvineso zvo uhomi?

• Tingatevejeresa kudini muezaniso wa hama Shimizu?