Patinogaja zvido zvedu kuti tiite zvizinji mu basa ra Jehovha, tinonga tecishandisa simba redu mu njira yakanaka. (1 Vak. 9:26) Zvido zvinotibesera kuti tinase kushandisa ushoni nguva yedu, nyika ino icito yapera. (Vae. 5:15, 16) Pa kunamata kwenyu ko mbhuri, mungabhuisana ngo zvido zvamaidakarira kukwanirisa pa gore ro basa rinotevera. Kuitira kumubesera, cokutarira ici co musongano cino musoro jino zvido zvakawanda zvamungarangarira no kukumbira ngo pamusoro pazvo.—Jak. 1:5.

Inga muezaniso, vo pa mbhuri vangabesera kuti mundhu umwe wo pambhuripo ashande inga piyona wo nguva jese. Kudari mucina cokwadi cokuti munozokwanirisa nguva jinodiwa, bhuyanyi no mu piyona ariwese ano mugariro wakafanana no wenyu. (Mazwi 15:22) Kangaije mungavhunjisa piyonewo pamunonga muri pakunamata ko mbhuri, perapo itanyi urongwa. Kudari makambova piyona kareko, vonanyizve dangani mugariro wenyu ungamutendera kuti muvezve piyona wari.

Kureva kuti umwe wo pa mbhuri angava piyona wo besero pa mweji umwe kana mweji jakawanda? Kudari simba renyu i shoma, imwimwi mungakwanisa kuva piyona wo besero ngo kupeja mukuvo mushoma njiku jese mu basa ro kucumaera. Kudari mucina nguva yo kwenda kocumaera pakati po sumana ngokuti munobata basa njiku jese kana munonga muri kucikora, imwimwi mungasana mweji unofiriadho kana uno ma sumana mashanu. Tariranyi mweji jamuri kuronga kuva piyona wo besero perapo moita urongwa.—Mazwi 21:5.

VONANYI VHIDHIYO INOTI CUGANYI . . . MAPIYONA, PERAPO DAVIRANYI MUVHUJO UNOTEVERA:

• Jehovha wakatajisa kudini hambzaji Aamand? Izvi zvinotijijisenyi?