Jehovha anoda kuti mbhuri jidakare. (Ndu 127:3-5; Muc 9:9; 11:9) Asi tingaruza mudakaro wedu ngo ndava yo zvineso zvinoviiswa ngo nyika ino pomwe no kuposa kunoita umwe nga umwe pa mbhuri. Waro ngozvapi zvingaithwa ngo umwe nga umwe pa mbhuri kuti pave no mudakaro?

Mwamuna vanodikana kukuja mukaji wavo. (1 Ped 3:7) Iyena anopsaka nguva yokugara no mukaji wake. Aaveteri kuti mukaji wake aite zviro zvaacikakwanisi. Cimwenizve, anokhombija kubongesera ngo zvinoithwa ngo mukajiwo kuti abesere iyena pamwepo no mbhuri yavo. (Vak 3:15) Anovonesa kuti anomuda no kumusimba.—Mazwi 31:28, 31.

Mukaji anopsaka manera okubesera mwamuna wake. (Mazwi 31:12) Iyena anojidira pasi po mwamunake no kumuzwira. (Vak 3:18) Anobhuya no mwamunake ngo njira yakanaka. Cimwenizve aanangi zviro zvakashata ngo pamusoro pake.—Mazwi 31:26.

Vabari vanodikana kupsaka nguva kuti vagare no vana vavo. (Dt 6:6, 7) Ivona vanodikana kuvhunja vana vavo kuti vanovada. (Mt 3:17) Pavanonga vecivapangira, ivona vanokhombija kuti vanovada nokutizve ndi vandhu vanozwisisa.—Vae 6:4.

Vana vanodikana kukuja no kuzwira vabari vavo. (Mazwi 23:22) Ivona vanovhunja vabari vavo zvavari kuzwa no kurangarira. Vanotendera kupangihwa no kukhombija nderemejo kuno vabari vavo.—Mazwi 19:20.

VONANYI VHIDHIYO INOTI: IVANYI NO MUDAKARO PA MBHURI, PERAPO DAVIRANYI MUVHUNJO UNOTEVERA:

Ngozvapi zvakaithwa nga umwe na umwe pa mbhuri iyi kuti ive no mudakaro?