MAPONERO O CIKRISTU
Tevejeranyi Rudo Ucikacinji wa Jehovha
Jehovha ndi muezaniso mukuru wo rudo ucikacinji. (Ndu 103:11) Rudo uwu asipi mazwirovo hawo angaviya ngo kukasika opinda. Rudo ucikacinji unobatanija ciro cinopeja mukuvo wakareba maningi. Jehovha wakakhombija mugariro uwu ku vashandiri vake vokare, Vaiziraeri, ngo njira jakawanda. Iyena wakavasujunura kuvha ku uranda ku Ejipita, ovaviisa ku Nyika yo Cipikihwa. (Ndu 105:42-44) Iyena wakavabesera no kuvaregerera kakawanda pavaimuposera. (Ndu 107:19, 20) ‘Patinovona mabasa a Jehovha anovonesa rudo ucikacinji,’ zvinotiita kuti tide kumutevejera.—Ndu 107:43, Sandujo yo Nyika Imbza.
VONANYI VHIDHIYO INOTI, “RANGARIRANYI NGO MABASA A JEHOVHA O RUDO WAKAGONDEKA,” PERAPO DAVIRANYI MUVHUNJO JINOTEVERARI:
-
Njira japi jatingakhombija ndijona rudo ucikacinji?
-
Ngenyi kukhombija rudo ucikacinji kunoda kuvangisira?
