MAPONERO O CIKRISTU
“Kujivirira Masoko Akanaka” no Kuita Kuti Atendehwe Kucumaehwa pa Mutemo
Vavengi povakaeja kurambisa Vaiziraeri pakuita basa ro kuvakisa themberi, vavaki vakapsaka manera okuita kuti basa iri riithwe mukuzwirana no mutemo. (Esd 5:11-16) Mukufananavo, Makristu nyamasi uno, vanoita zvese zvavanokwanisa kuti vajivirire masoko akanaka kuti atendehwe kucumaehwa mukuzwirana no mutemo. (Vaf 1:7) Kuti izvi zvikwanisike, mu gore ro 1936 ku cine ro pasi pese kwakaumbhwa Dhepartamento rinovonerera zvo mutemo. Nyamasi uno, Dhepartamento rinovonerera zvo Mutemo rinoronga basa ro kujivirira zvinodiwa zvo Umambo kuti basa ro kucumaera rifambe ushoni. Waro, dhepartameto iri rakabeseresa kudini zvinodiwa zvo Umambo pamwepo no Umambo hwa Mwari?
VONANYI VHIDHIYO INOTI: KUVHAKACIRA DHEPARTAMENTO RINOVONERERA ZVO MUTEMO KU CINE RO PASI PESE, PERAPO DAVIRANYI MUVHUNJO JINOTEVERA:
-
Zvineso zvapi zvakasongana no Zvapupu zva Jehovha kuti vakwanise kujijivirira mukuzwirana no mutemo?
-
Kuwina kwapi kwatakava nako kuti titendehwe kuita basa redu mukuzwirana no mutemo? Ipanyi muezaniso
-
Ngozvapi zvinodikana kuithwa nga umwe na umwe wedu kuti ‘tibesere kujivirira’ masoko akanaka kuti atendehwe kuitwa mukuzwirana no mutemo?
-
Mu saiti mwedu ngopapi patingawana masoko anovonesa zviitiko ngo pamusoro po kutendehwa kuita basa mukuzwirana no mutemo, zviri kuitikira vandhu va Mwari no rista ino mazina o Zvapupu zva Jehovha zvakafungihwa ngo ndava yo rutendo hwavo?
