NGENYI ZVINOSISIRA: Jijo yo mundhu ega yo Soko ra Mwari inotibesera ‘kuzwisisa kuti ngo hwapi upambhi, urebu, ukhwiri no ujiki’ wo cokwadi. (Ef 3:18) Inotibeserazve kuti tirambe ticina svina, ticina uposi, munyika ino yakashata no kuramba takabatisisa “Izwi ro uhomi.” (Fil 2:15, 16) Pa jijo yo mundhu ega yo Soko ra Mwari umwe nga umwe angakheta ega zvaanoda kujija. Tingabesereka kudini pa mukuvo watinonga teciverenga no kuita jijo yo mundhu ega yo Bhaibheri?

MAITIHWE AZVO:

• Pa munoita jijo yenyu yo Bhaibheri tariranyi mafundo o vhesi, mungazviita pa phepa kana mu cimucini co munyara

• Pa munojija Soko ra Mwari jibvunjisenyi kudari: ‘Ndiani? Cicinyi? Kuitisa kudini? Rini? Kwapi? Ngenyi?’

• Psakisisanyi kuti mujije zvakawanda. Shandisanyi mathurusi amunawo kuitira kupsakisisa shwiroyo kana vhesi yo Bhaibheri

• Rangarijisisanyi zvamunonga maverenga kuti muvone manera amungazvishandisa

• Shandisanyi zvamunojija njiku ngo njiku.—Lc 6:47, 48

VONANYI VHIDHIO INOTI RAMBANYI MAKABATISISA JIJO YO MUNDHU EGA, PERAPO DAVIRANYI MUBVUNJO JINOTEVERA:

• Vandhu vamweni vanonanga kudini ngo jijo yo mundhu ega?

• Ngenyi mucito matanga kuita jijo yenyu yo mundhu ega munodikana kuita mukumbiro?

• Zvicinyi zvingatibesera kunasa kuzwisisa vhesi kana divi rayo?

• Mushovo wapi wo kumaka watingaita patinonga teciita jijo yo Bhaibheri?

• Ngenyi zvinosisira kurangarijisisa patinonga teciita jijo yo Soko ra Mwari?

• Tinodikana kuitenyi no zviana zvatinojija?