Kutangira Janeiro wo 2018, kubhuisana ko kuezanisira kunoviiswa pa Co Kutarira zvo Musongano​—Upenyu Hwedu hwo Cikristu no Mushando pa pheji yokutanga. Tingashandisa kudini mativi aya?

Pa Mativi o Vajiji: Munodikana kushandisa muvhunjo, tsamba no muvhunjo wo hwiririro unoviya padivi ro kubhuisana ko kuezanisira. Izvi azvirevi kuti munodikana kuita divi ro kuezanisira mukuzwirana kamare no zvakhombijwa pa vhidhiyo. Mungatoshandisa njira jimweni, kucinja matangiro kana kusanangura tsamba ngo manera akasiyana no o pa vhidhiyo. Kusiapo izvo, mungapa samuzi bhuku rinovha mu Bhokiso redu Rokujijisa, pikija ricizivi kutahwa pa divi ramunonga mecishandira.

Pakucumaera: Pa divi ro kubhuisana ko kuezanisira panotipekeja mazano atingashandisa mu basa rokucumaera. Kudari samuzi akakhombija kudakarira no kuda kuziva zvimweni, tingaenderera mberi no mabhuyo, kangaije ngo kushandisa masoko ari pahwiririro. Mungatocumaera ngo njira yakasiyana no iri pa co kutarira zvo musongano kana mungatoshandisa macumaerere amweni. Kureva kuti tsamba kana mazano o mweji jimweni anoshanda mundharaundha menyumo here? Kureva kuti vandhu vatinocumaera vanodakarira maningi kudari tikabhuya zviro zvakaitika mundharaundha mavo? Imwimwi mungakheta mega zvingashanda mundima menyumo asi cinangwa cenyu cinodikana kuva cokuita ‘bzese ibzi ngo ndava yo Vangeri; kuti rifanere kukovaniswa bzakanaka bzaro.’​—1 Kor 9:22, 23.