ZVISHANDISENYI MU BASA RO MU MUNDA | ENGEJERANYI MUDAKARO WENYU MU BASA ROKUCUMAERA
Shandisanyi Muezaniso pa Mafundo Makuru
Pese patinonga teciitisa hwiririro kana kuitisa jijo yo Bhaibheri, tinodikana kubesera vandhuvo kuti vazwisise mafundo makuru o Bhaibheri. Kudari tikashandisa muezaniso kuti tisanangure fundo riri rese, tingakwanisa kupsasa mwoyo yo vandhu. Ngo kudaro zvinozova zvakareruka kuti iyena aceukije zvaakajija.
Pamunonga mecinasirira kuitira hwiririro kana jijo yo Bhaibheri, sananyi muezaniso kuti musanangure mafundo makuru, kuciripi kupsaka zvimagama zvese zviripo. Shandisanyi muezaniso jakareruka no zviro zvinozivika ngo vandhu. (Mt. 5:14-16; Mc. 2:21; Lc. 14:7-11) Itanyi muezaniso unozwirana no mundhu wamuri kubhuya naye no zviro zvaanovona njiku jese. (Lc. 5:2-11; Jo. 4:7-15) Kudari mukavona mudakaro unova no mundhu ngo kujija kwake cokwadi, imwimwi munovavo no mudakaro.
VONANYI VHIDHIYO INOTI IVANYI NO MUDAKARO MU BASA RO KUITA VAJIJI—ITISANYI NANE KUZIVA KWENYU—SHANDISANYI MUEZANISO PA MAFUNDO MAKURU , PERAPO DAVIRANYI MUVHUNJO JINOTEVERA:
-
Ngenyi tinodikana kubesera vajiji vedu vo Bhaibheri kuti vazwisise vhesi?
-
Rita wakashandisa muezaniso wapi kuti asanangure tsamba ya VaRoma 5:12?
-
Muezaniso jakanaka jinopsasa mwoyo
Muezaniso wakanaka unopsasa kudini vapurutani vedu?
-
Ngenyi zvakanaka maningi kushandisa mavhidhiyo no mabhuku amweni o sangano mu basa rokucumaera?
