Mbhangiro inoshanda kuitira kuroveja no kujijisa. Asi iyona inoshandazve kuitira kupangira. Jehovha anotipa mbhangiro kuti timushandire ngo manera akanaka. (Rom. 12:1; Heb. 12:10, 11) Nguva jimweni, mbhangiro ingatovoneka inga yakashata, asi iyona inotibesera kuti tidakajise Jehovha no kuwana makomborero ake. (Mazwi 10:7) Mundhu anoda kupekeja mbhangiro umweni anodikana kurangarirenyi? Wiya anopuwaro mbhangiro anodikana kuceukijenyi?

Mundhu paanopa mbhangiro. Vakuru, vabari kana mundhu ari wese, vanoeja kuita zvese zvavanokwanisa kuti vape mbhangiro ngo rudo no unyasha vecitevejera Jehovha. (Jr. 46:28) Pikija mbhangiro yakavanga inodikana kuva yakaezanana, yecindundihwa ngo rudo.—Tito 1:13.

Mundhu paanoashira mbhangiro. Anodikana kutendera mbhangiro no kuita cinjo jinodikana ngo kukasika. (Mazwi 3:11, 12) Tese atizivi kukwana ndiyo ndava nguva jimweni tinoda mbhangiro, ijona jingaviya ngo njira jakasiyana. Inga muezaniso, tingatopangihwa ngo zvataverenga mu Bhaibheri kana ngo zvatazwa pa musongano jo ungano. Kangaije nguva jimweni tingapangihwa ngo komisau yo kutonga. Kudari tikatendera mbhangiro ya Jehovha tinozova no upenyu unodakajisa wari no kumbeji.—Mazwi 10:17.

VONANYI VHIDHIYO INOTI ‘JEHOVHA ANOPANGIRA VAANODISA,’ PERAPO DAVIRANYI MUVHUNJO JINOTEVERA:

• Hama iyi yakarereswa kudini, zvicinyi zvakazoitika pakufamba ko nguva?

• Ngorapi besero ro yakaashira kuti ihwirire kuna Jehovha?

• Ngozvapi zvamajija ngo zvakaitika na hama iyi?