Mu mushando wake, Jesu waishandisa zviitiko zvavha kuitika kuti ajijise. (Ruk. 13:1-5) Imwimwi mungashandisavo zviitiko zvavha kuitika wari kuitira kuti vandhu vadakarire masoko o Umambo. Inga muezaniso, imwimwi mungananga ngo pamusoro po manera ari kudhura zviro, ngozi yavha kuitika, grevhe, manera ari kushandiswa mutombo jinodhakwisa no zvimwenivo hazvo. Perapo itanyi muvhunjo unoita kuti mundhuwo arangarire. Mungavhunjisa kudari: “Munorangarira kuti njiku iriyese zvineso izvi zvinozopera?” kana “Zvicinyi zvaizopeja cineso ici?” Tevere khombijanyi vhesi yo Bhaibheri inozwirana no shwiroyo. Kudari akadakarira, mukhombijenyi vhidhiyo kana bhuku ririrese ro Mubhokiso redu ro Kujijisa. Ngo kuita izvi, tinozobaya mwoyo jo vandhu vo mu ndima medu, zvese izvi “ngo ndava yo masoko akanaka.”—1 Vak. 9:22, 23.

Zviitiko zvapi zvavha kuitika wari zvingaita kuti tibhuye no vandhu vo mu ndima medu?